De Undernimming (Wytmarsum)

De Undernimming is in nôt- en pelmole yn it doarp Wytmarsum yn de gemeente Súdwest Fryslân. Eigner is de Stifting ta Behâld Monuminten yn 'e gemeente Súdwest Fryslân.

De Undernimming
mûne / mole
lokaasje
provinsje	Fryslân
plak	Wytmarsum
koördinaten	53° 5' NB, 5° 28' EL
bysûnderheden
funksje	Nôt- en pelmole
flecht	19,00 m
oare ynformaasje
eigner	Stifting Behâld Monuminten yn 'e gemeente Súdwest Fryslân
Webside
Hiemside stifting
Kaart

Skiednis

De Undernimming is in mealreeë stellingmole en waard yn 1850 boud, nei alle gedachten troch molemakker Van der Meer út Harns. De mole waard ein jierren 1960 yn ferfallen tastân troch de lêste eigner oan de doetiidske gemeente Wûnseradiel ferkocht, dy't him yn 1970/1971 restaurearje liet. Dat barde ek yn 1994.

Njonken de mole stie in wente dy't fanwegen brekfalligens yn 1973 ôfbrutsen waard, mar yn 1982 wer opboud is.

Beskriuwing

It is in houten achtkante stellingmole, mei reid dutsen op in houten ûnderbou dy't mei planken potdeksele is. De wjukken hawwe in flecht fan 19 m en beide roeden binne mei it Systeem Fauël mei remkleppen útrisd. De Undernimming hat de status fan ryksmonumint.

Sjoch ek

• Mole yn Fryslân

Keppeling om utens

• Molendatabank oer De Undernimming
• De Hollandsche Molen oer De Undernimming yn Witmarsum

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory De Undernimming, Wytmarsum fan Wikimedia Commons.