De Vlijt (Diever)

De Vlijt is in nôtmûne yn it buorskip Oldendiever by Diever yn de Drintske gemeente Westerfjild.

De Vlijt
bouwurk
lokaasje
lân	Nederlân
provinsje	Drinte
plak	Diever
adres	Oldendiever 35
bysûnderheden
type bouwurk	Nôtmûne
boujier	1882
monumintale status	ryksmonumint
monumintnûmer	12907
offisjele webside
Side fan De Vlijt

Skiednis

De mûne waard op it hjoeddeiske plak yn 1882 boud en kaam yn it plak fan in yn 1881 ôfbaarnde grûnsiler. It achtkant is ôfkomstich fan in ôfbrutsen Fryske poldermûne út Jistergea. Yn ien fan de balken stiet it jiertal 1823, nei alle gedachten it boujier fan de poldermûne.

Yn 1956 waard der in restauraasje útfierd, dy't lykwols net tarikkend wie. De grutte restauraasje fan 1980 makke de mûne wer mealree. It moal is ornearre foar de bakkerij yn Diever.

Beskriuwing

De Vlijt is in achtkante stellingmûne mei in reiddutsen achtkant. De wjukken hawwe in flecht fan 18,60 meter. By de restauraasje fan 1980 waarden op beide roeden it Fauël-systeem oanbrocht, de bûtenroede hat boppedat automatyske remkleppen.

Keppeling om utens

• (ned) Mûnedatabase
• (ned) De Hollânske Mûne
• (ned) Allemolens.nl

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory De Vlijt, Diever fan Wikimedia Commons.