Egbert Bartolomeus Kortenaer
Egbert Bartolomeussoan Kortenaer of Egbert Meussen Cortenaer (Grins, 1604 – yn 'e Noardsee bûten Ingelân, 13 juny 1665) wie in Nederlânske floatfâd út de 17e iuw.
| Egbert Bartolomeus Kortenaer, of Egbert Meussen Cortenaer | ||
 militêr
| ||
| ||
| Egbert Bartolomeus Kortenaer skildere troch Bartholomeus fan der Helst yn 1660. | ||
| persoanlike bysûnderheden | ||
| namme folút | Egbert Bartolomeussoan Kortenaer | |
| nasjonaliteit |  Steatsk
| |
| berne | 1604 | |
| berteplak | Grins (Grinslân) | |
| stoarn | 13 juni 1665 | |
| stjerplak | Slach by Lowestoft (Noardsee) | |
| etnisiteit |  Nederlânsk
| |
| reg. identiteit | Grinslânsk | |
| wurkpaad | ||
| tsjinsttiid | 1626 – 1665 | |
| yn tsjinst fan | Rep. f.d. Fer. Nederlannen
| |
| legerûnderdiel | marine | |
| heechste rang | fise-admiraal (sûnt 1659) | |
| befel | Steatske float | |
| konflikt(en) | Earste Ingelske Oarloch Sweedske Oarloch Twadde Ingelske Oarloch | |
| ûnderskiedings | Oarder fan 'e Oaljefant 
| |
Kortenaer hie in beskieden eftergrûn (syn heit wie soldaat) en begûn syn karriêre as boatsman yn 1626 en wurke him op ta in wichtige lieder yn de Nederlânske float. Yn 1643 waard er earste stjoerman op Maarten Tromp syn flaggeskip, de Aemilia, en bleau dat oant 1647 doe't it skip ferkocht waard. Yn 1651 waard er wer stjoerman ûnder Tromp, no op syn nije flaggeskip, de ferneamde Brederode.
Hy die mei oan ferskate seeslaggen, wêrûnder de Slach by Dungeness (1652) en de Slach by Ter Heijde (1653) yn de Earste Ingelsk-Nederlânske Oarloch. Maarten Tromp kaam om yn de Slach by Ter Heijde. Om de moraal lykwols heech te hâlden liet Kortenaer de noarm fan de admiraal net ferleegje, die of Tromp noch libbe en naam it eigentlike befel oer syn eskader oer. Hy die dat sa betûft dat er oant de ein fan dy oarloch as floatfâd bliuwe soe.
Nei in heldhaftich gedrach yn de Slach by de Sont (8 novimber 1658) yn de Noardlike Oarloch tsjin Sweden, waard er troch Freark III fan Denemark yn de Oarder fan de Oaljefant riddere en op 8 maaie 1659 waard er beneamd ta fise-admiraal yn de Steatske marine.
Op 13 juny 1665 stoar Kortenaer by de Slach by Lowestoft doe't in Ingelske kanonskûgel syn heup rekke. Nei syn dea waard er fereare as nasjonale held, en syn namme waard in symboal fan Nederlânske moed en trochsettingsfermogen op see. Ta syn eare waard er letter betocht mei ferskate nei him neamde monuminten en skippen.
| Boarnen, noaten en/as referinsjes: | ||
|
Foar boarnen en oare literatuer, sjoch ûnder: Bronnen, noten en/of referenties, op dizze side.
|
