Emma Roche

Emma Roche (9 jannewaris 1976) is in Australysk model en aktrise fan Iersk komôf.

Emma Roche
akteur
persoanlike bysûnderheden
echte namme	Emma Roche
nasjonaliteit	Australysk
berne	9 jannewaris 1976
berteplak	? (Austraalje)
etnisiteit	Iersk
jierren aktyf	1980 – no
offisjele webside
gjint

Libben en karriêre

Roche sette al mei fjouwer jier útein mei in karriêre as model, wêrby't se û.m. meiwurke oan ferskate reklamespotsjes. As aktrise briek se yn 1994 troch mei har rol as Danielle Miller yn 'e Australyske tillefyzjerige Heartbreak High, oer it wol en wee op in middelbere skoalle yn in multykulturele wyk fan Sydney. Nei't se har yn 1996 út dy searje skriuwe litten hie, spile se yn 1997 yn ien ôflevering fan 'e rige Wildside. Dêrnei ferfear se nei it Britske Londen, dêr't se yn ferskate toanielproduksjes te sjen wie.

Nei har weromkear yn Austraalje waard Roche cast foar de rol fan Stephanie Scully, yn 'e soapsearje Neighbours, mar fanwegen privee-omstannichheden moast se har dêrfoar weromlûke doe't de opnames al oan 'e gong wiene. Har rol waard oernommen troch Carla Bonner, en de sênes waarden op 'e nij opnommen, allegear behalven ien, wêryn't by de oankomst fan it gesin Scully te sjen is hoe't Roche efter it stjoer sit. Yn 2000 kearde Roche, dy't ek in fanatyk fjochtsporter is, werom op 'e set fan Neighbours yn 'e hoedanichheid fan Carla Bonner har stunt double, foar in sêne mei in motorûngemak.

Keppelings om utens

• (in) Biografy en filmografy fan Emma Roche yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.