Europa-Park

Europa-Park is sûnt 1975 in attraksjepark by Rust yn de Dútske dielsteat Baden-Wuertemberch. Tema is it wrâlddiel Europa mei har ferskillende lannen. Yn 2023 wie it nei it Disneyland Park yn Parys it bêst besochte attraksjepark fan Europa.

Fan dizze side moat de stavering noch hifke wurde. Jo wurde útnûge om dêr in begjin mei te meitsjen

Europa-Park
ferdivedaasjepark
Haadyngong Europa-Park (2017)
lokaasje
lân	Dútslân
Dielsteat	Baden-Wuertemberch
Landkreis	Ortenaukreis
plak	Rust
adres	Europa-Park-Straße
koördinaten	48° 16' NB, 7° 43' EL
bysûnderheden
type	Attraksjejepark
tema	Europa
eigner	Famylje Mack
iepen	It hiele jier
oerflak	97 ha
attraksjes	61
achtbanen	14
wetterattr.	6
besikers	5,4 miljoen (2022)
skiednis
iepening	12 july 1975
gebou
boujier	1975
offisjele webside
Webstee Europa-Park
kaart
Lokaasje Europa-Park

Skiednis

It begjin

Europa-Park is eigendom fan de Dútske famylje Mack. Yn 1780 rjochte Paul Mack yn it Dútske Waldkirch in bedriuw op dat houten koetsen boude. Hûndert jier letter waarden de wurksumheden útwreide en lei it bedriuw him ta op de bou fan weinen dy 't geskikt wiene om draaioargels te ferfieren. Letter kamen der ek weinen by dy't geskikt wiene foar merke-en sirkuseksploitanten.

Yn 1920 rjochte it fabryk him op it bouwen fan merke-attraksjes. Dat resultearre deryn dat in jier letter de earste houten achtbaan produsearre waard. Yn de jierren 1970 kamen Franz Mack en syn soan Roland Mack op it idee om in attraksjepark op te rjochtsjen, nei't sy yn it bûtenlân ferskate attraksjeparken besichtige hiene, ûnder oare Disney-parken. It idee achter it attraksjepark wie dat it in showroom wurde moast, wêryn 't de produkten fan it bedriuw (MACK Rides) toand waarden. Dêrfoar hie de famylje earst in lokaasje tichtby Breisach am Rhein op it each flakby de keunstmjittige mar Europa-See. De gemeente karde de bou fan in attraksjepark goed. Dielsteat Baden-Württemberg wie tsjin omdat de mar en de omjouwing nedich wiene om oerstallich wetter út de rivier de Ryn opfange te kinnen.

In folgjende mooglikheid wie in terrein fan 20 bunder by it plak Neuenburg am Rhein direkt grinzjend oan de Autobahn 5. Der moast dan in tunnel ûnder de sneldyk oanlein wurde. Dit soe 1 miljoen DM kostje en dat fûnen se in te grutte ynvestearring. De úteinlike lokaasje waard fûn by it doarp Rust, it gong nei Slot Balthasar mei dêrby in mearkespark. Mynhear Mack kocht it gehiel en naam ek in tal bisten fan it eardere mearkespark oer.

Op 12 july 1975 iepene Europa-Park mei tweintich attraksjes, wêrûnder in monorail, midgetgolfbaan en rûnfeartattraksjes. Om de midgetgolfbaan hinne stiene miniatuergebouwen opsteld fan ferskate bekende gebouwen lykas de Eiffeltoer en it Paleis fan Westminster. Yn 1976 iepene it park in oldtimerbaan. Twa jier letter iepenen de attraksjes: Jungle Rafts en Tiroler Wildwasserbahn en ûntfong it park 1 miljoen besikers. Yn 1979 iepene de boattocht Elfenfahrt en twa jier letter in draaimûne.

Europeeske lannen

Sân jier nei de iepening begûn it attraksjepark him te rjochtsjen op it tema Europeeske lannen. Yn 1982 iepene it temagebiet Itaalje. It earste temagebiet basearre op it nije tema. It temagebiet iepene mei-inoar mei twa darkrides: Geisterschloss en Ciao Bambini. Fan dat stuit ôf makke it attraksjepark dúdlik gebrûk fan de ûnderfiningen en ynspiraasje dy 't de famylje Mack yn Amerikaanske attraksjeparken opdien hie. In part fan de attraksjes dy't boud waarden yn de jierren 80, wiene dúdlik ynspirearre op attraksjes yn it Disneyland Resort en Walt Disney World Resort. Sa is it Geisterschloss basearre op The Haunted Mansion en Ciao Bambini op it's a small world. Opfallend is dêrby dat it Walt Disney World Resort yn 1982 it attraksjepark Epcot iepene. In attraksjepark dat foar it grutste part ek as tema lannen hat.

De twadde monorail "EP-express" iepene yn 1995 mei in tal stasjons en tsjinne as transportsysteem troch it hiele park. Dêrby iepene Europa-Park it earste hotel. It "hotel El Andaluz" mei as tema Portegal. Yn 1996 iepene it temagebiet Dútslân. Yn 1998 iepene it attraksjepark in kampearterrein dêr't besikers oernachtsje koene. It kampearterrein waardt yn 2010 útwreide mei bebouwing yn de styl fan it Wylde Westen. Yn 2014 iepene it suver oerdekte temagebiet "Königreich der Minimoys". It park wike hjirby ôf fan it lannetema.

Op 26 maaie 2018 waard de darkride "Piraten in Batavia" yn it Nederlânske temagebiet troffen troch in brân. Ek in part fan it temagebiet Skandinaavje waard ferwoaste, wêrtroch't wyldwetterbaan "Fjord Rafting" tydlik sletten wurde moast. Op 28 novimber 2019 waard it swimbadkompleks "Rulantica" iepene foar besikers.

Op 19 juny 2023 waard Europa-Park opnij troffen troch in grutte brân. Dy ûntstie yn in technyske romte yn in gebouwekompleks oan de râne fan it Eastenrykske temagebiet. De brân sloech letter ek oer nei it Spaanske gebiet. Achtbaan "Alpenexpress "Enzian"", de "Tiroler Wildwasserbahn" it Spaanske stasjon fan de "Panoramabahn" rekken skansearre, de walktroughattraksje "Yomi-Zauberwelt der Diamanten" gie hielendal ferlern en der waarden ek twa sûvenirwinkels troffen. Walktroughattraksje "Yomi-Zauberwelt der Diamanten" waard ferfongen troch in klimpark mei de namme "Yomi Abenteuer Trail" die yn 2024 iepene.

Temagebieten

Dútslân

Yn it temagebiet Dútslân sit de haadetree fan it attraksjepark. De haadetree sit ûnder in monorailstasjon. Achter de haadetree sit in leane, de Deutscher Allee, mei oan beide siden gebouwen dy 't kwa arsjitektuer basearre binne op de bebouwing yn Súd-Dútslân. Healwei dizze haadstrjitte oerspant in poarte mei in klokketoer de strjitte. Yn de bebouwing binne hoareka en winkels. Krekt njonken it monorailstasjon binne restanten fan 'e Berlynske Muorre. Yn in sydstrjitte fan 'e haadstrjitte sit de attraksje Voletarium, dêr 't it eksterieur fan ôfwykt fan dat fan 'e haadstrjitte. Njonken it Swarte Wâld restaurant is it karnavalsmuseum. Oan de ein fan de haadstrjitte makket bebouwing plak foar in parkachtige omjouwing. Oan dit park leit Slot Balthasar en ek in tal attraksjes, wêrûnder it stasjon fan de stoomtrein en in oldtimerbaan.

Attraksjes

	Namme	Type	Opm.
	Elfenfahrt	Wetterattraksje
	Voletarium	Bewegingssimulator
	Oldtimer-Fahrt	rûnrit
	Marionetten-Bootsfahrt	Wetterattraksje
	Jim Knopf	rûnrit
	Panoramabahn-stasjon "Dútslân"	Trein	Folgjende halten: Ingelân, Spanje en Ruslân.
	EP-Express-stasjon "Alexanderplatz"	Monorail	Folgjende halten: Hotels, Spanje en Grikelân.

Horeaka

Namme	Type	Keuken
Rock Café	Betsjinning	moarnsbrochje, hamburgers en bowls
Schwarzwälder Vogtshaus	Kafetaria	Dútske lekkernijen lykas Fleischäs', Bratwurst, Schinken en wyn út de regio Baden.
Walter's Wurstbude	Loketferkeap	Dútske lekkernijen Bratwurst en Currywurst.
Restaurant Schloss Balthasar	All la carte restaurant	Gerjochten út Baden en de Elzas.

Eastenryk

It temagebiet Eastenryk is dekorearre as berchlandachap. Hjiryn sitte achtbaan Alpenexpress "Enzian", beamstamattraksje "Tiroler Wildwasserbahn" en in klimppark, wêrby't de achtbaan en beamstamattraksje krúst wurde. Yn it bûtengebiet binne in sweefmûne, biergarten en it restaurant Seehaus dat útsjoch biedt op in mar.

Attraksjes

	Namme	Type	Opm.
	Aplenexpress Enzian	Achtbaan
	Josefinas kaiserliche Zauberreise	Wetterattraksje
	Wiener Wellenflieger	Sweefmûne
	Donau Dampfer	Rûnfeart
	Würmchen Wies'n	Boartersplak
	Yomi Abenteuer Trail	klimpark
	Tiroler Wildwasserbahn	Beamstamattraksje

Horeaka

Namme	Type	Keuken
Erdinger Weißbiergarten	Biergarten	Njonken ferskate bierspesjaliteiten serveare se hjir ek alderhande hertige lekkernijen
Seehaus	Selsbetsjinningsrestaurant	Ferskate Eastenrykske spesjaliteitn lykas Wiener Schnitzel, brette hin. Käs'Spatzen, Kaiserschmarrn.
Tiroler Jausenstandl	Kafetaria	Eastenrykske snacks lykas Kässpatzen en Käsekrainer

Frankryk

It temagebiet Frankryk is boud om in fiver hinne. Blikfanger is in grutte sulveren bol oan it haad fan de fiver. Yn dizze bol sit de achtbaan Eurosat - CanCan Coaster. Under de bol húsfestet de darkride Madame Freudenreich Curiosités. Tegnover de bol, oan de oare kant fan de fiver, sit de 75 meter hege útkyktoer Euro Tower. Oan wjerskanten fan de fiver stiet ferskate bebouwing yn Frânske arsjitektuer. De gebouwen húsfestje hoareka en winkels. It temagebiet hat in sydstrjitte dêr 't de dekoraasje yn it teken stiet fan de filmwrâld. Yn de sydstrjitte binne tapaslik in 4 D-bioskoop en studioromtes dêr 't Europa-Park de mooglikheid hat om media te produsearjen. Achter de sulveren bol sit de achtbaan Silver Star.

Attraksjes

	Namme	Type	Opm.
	Euro Tower	Utsjochtoer	75 meter heech
	Eurosat - CanCan Coaster	Achtbaan	De achtbaan sit folslein yn in 45 meter hege grize koepel.
	Madame Freudenreich Curiosités	Darkride
	4D bioskoop	Bioskoop
	Silver Star	Achtbaan	Oant 2012 de heechste achtbaan fan Europa.

Horeaka

Namme	Type	Keuken
Tarte Flambée Flammkuchenstand	Loketferkeap	Boppe iepen fjoer bakte flammkuchen en wyn út de Elzas.
Petite France	Selsbetsjinningsrestaurant	Moarnsbrochje, lunch mei krokante hin of kordon bleu, en kofjespesjaliteiten mei swiete lekkernijen út Frankryk.
Elzasser Bakkerij	Bakkerskafee	kopke kofje to-go, croissants, beleine stokbroadsjes en tartelettes mei fruit.
Chez Marianne	Loketferkeap	Kofjespesjaliteiten, gebak, baguettes, wyn, cocktails en sjampanje
Mille Fleurs	Selsbetsjinningsrestaurant	Italjaanske gerjochten
Bistro Tomi Ungerer	Betsjinning	Frânske gerjochten lykas Flammkuchen, kafee au lait en in wiidweidich gebakbuffet.
Crêperie Nadine	Loketferkeap	Frânske crêpes mei ferskillende swiete en hertige yngrediïnten.
Motorsports Bar	Loketferkeap	Hertige nacho's, farske hotdogs en koele drankjes.
Happiness Station Silver Star	Loketferkeap	Softiis mei fruit, toppings en sauzen

Grikelân

Temagebiet Grikelân is kwa arsjitektuer ynspirearre op it Grykske eilân Santorini. Oan in mar is in doarp realisearre mei wite bepleistering en blauwe dakken. Yn de gebouwen binne winkels en hoareka. Under it doarp leit de ynteraktive darkride Abenteuer Atlantis. De entree leit op in healferdjippe lizzing mei it strjitnivo. Yn ien fan de gebouwen op strjitnivo sit madhouse Fluch der Kassandra. Op de boppestende ferdjipping fan it doarp is in stasjon fan de monorail. Foar it wite doarp oer sit in teäter dêr 't benammen reedrydshows organisearre wurde. Oan it doarp grinzet in mar dêr 't men fan de terrassen fan de ferskate hoareka útsjoch op hat. Yn en om de mar leit de wetterachtbaan Poseidon. Efter dizze achtbaan leit achtbaan Pegasus.

Attraksjes

	Namme	Type	Opm.
	Abenteuer Atlantis	Darkride
	Poseidon	Achtbaan
	Pegasus	Achtbaan
	EP-Express-stasjon "Grikelân"	Monorail	Folgjende haltes: Dútslân (stasjon "Alexanderplatz"), Hotels en Spanje.
	Fluch der Kassandra	Draaiend hûs

Horeaka

Namme	Type	Opm.
Taverna Mykonos	Selsbetsjinningsrestaurant	Grykske spesjaliteiten lykas gyros, salade mei feta, pitabôle en tzatziki

Ierlân

Ierlân is benammen rjochte op bern en bestiet dus benammen út berneattraksjes lykas in berneachtbaan, oldtimerbaan en boarterstún. Yn it temagebiet stiet in gebou dekorearre as kastiel, in ferwizing nei de myte om de Fairies en harren kastiel hinne. Ek binne der ferwizings yn it temagebiet nei de Leprechauns te finen.

Attraksjes

	Namme	Type	Opm.
	Old Mac Donald’s Tractor Fun	Rûnrit
	Ba-a-a Express	Achtbaan
	Dancing Dingie	Skommelskip
	Sheep Rock	Wetterattraksje
	Limerick Castle	Boarterstún
	Parcours BIG Bobby Car		Rinnautootsjes foar pjutten
	Little Lamb’s Land	Boarterstún
	Spinning Dragons	Spin 'n Puke
	Tower Tow

Horeaka

Namme	Type	Keuken
The O'Mackay's Café and Pub	selsbetsjinningsrestaurant	Ierske lekkernijen, lykas Shepherd's Pie, gebak en iis of foar de folwoeksenen in glês Guinness

Ingelân

Yn dit temagebiet wurdt Ingelân, as ûnderdiel fan it Feriene Keninkryk, útbylde. De bebouwing is yn Ingelske styl en de attraksjes ferwize nei Ingelân. Sa stiet der in demolition derby mei as auto's Londenske taksys en in fleanende tapyt yn de foarm fan in reade Londenske bus. Ek is der in leane mei dêryn merke- en gokspullen, in ferwizing nei de Ingelske badplakken dêr't dit op grutte skaal oanwêzich is. Ek is der in ynteraktive walkthrough-attraksje, wêrby't besikers ien foar ien troch in gong rinne moatte, wêrby 't se laserstrielen ûntwike moatte. Op de eftergrûn is muzyk út James Bondfilms te hearren. Op it mêd fan hoareka is der in Ingelske pub neiboud yn it temagebiet.

Attraksjes

	Namme	Type	Opm.
	Silverstone-Piste	Rûnrit
	The British Carousel	Draaimûne
	Queen’s Diamonds – Laser Maze	walkthrough
	Arena of Football - Be Part of It!	Botsauto fuotbal
	London Bus	Fleanend tapijt
	Crazy Taxi	Demolition Derby
	Panoramabahn-stasjon "Paddington Station"	Trein	Folgjende halten: Ingelân, Spanje en Dútslân.

Horeaka

Namme	Type	Keuken
Arena of Football – Sportsbar	Selsbetsjinningsrestaurant	Wikseljende iepeningstiden, serveert snacks en broadsjes, en der stiet in Coca-Cola Freestyle-automaat.
The Three Piglets	Kafee	Hin, hamburgers, patat en fish and chips.

Itaalje

It temagebiet Itaalje hat de foarm fan in rjochthoeke en ûnderskiedt him troch in fiver yn it midden fan it temagebiet. Yn de fiver steane fonteinen en peallen mei de kleuren read wyt. Dat is in ferwizing nei de kanalen fan Venetië. Om de fiver hinne stiet bebouwing yn Italjaanske arsjitektuer, wêrûnder in 25 meter hege campanile. Hjiryn binne hoareka, winkels en de entree nei trije attraksjes: Geisterschloss, Piccolo Mondo en Volo Da Vinci. Itaalje is it earste temagebiet yn Europa-Park fan it momint ôf dat it park mei it tema Europeeske lannen wurkje soe.

Attraksjes

	Namme	Type	Opm.
	Volo Da Vinci	Monorail
	Geisterschloss	Spûkhûs Darkride
	Piccolo Mondo	Darkride

Horeaka

Namme	Type	Keuken
Pizzeria Venezia	Selsbetsjinningsrestaurant	Pizza's, pasta's, smaaklike antipasti en knapperige salade.
Pastaria di Enzo	Loketferkeap	Italjaanske pasta's to go
Gelateria	Loketferkeap	Iis
Waffelbäckerei	Loketferkeap	knapperige wafels en Berliner bollen mei fanyljekrêm, slachrjemme of sûkeladesaus
Mario’s Pizza	Loketferkeap	Pizza
Café Benedetto	Kafee	Ferskate kofjespesjaliteiten, Italjaanske aperittiven en gebak.

Kroaasje

Yn it temagebiet Kroaasje is in temagebiet dat sûnt 2022 yn ûntwikkeling is tusken de temagebieten Ruslân en Griekelân.

Attraksjes

	Namme	Type	Opm.
	Voltron Nevera	Achtbaan
	Nikola Tesla's Beautiful Croatia	360° Bioskoop

Horeaka

Namme	Type	Keuken
Sunce i Lavanda	Loketferkeap	20 smaken iis, en kofje mei gebak.
Ćevapčići Snack	Selsbetsjinningsrestaurant	Pitabroadsje mei farsk bakte evapčiči en alkoholfrije kâld drinken en bier

Liechtenstein

In lyts plein tusken de Switserske bobslee-achtbaan en it Ingelske temagebiet. Op it plein stiet in ballonfeart.

Attraksjes

	Namme	Type	Opm.
	Liechtensteiner Ballonfahrt	Ballonvaart draaimûne

Lúksemboarch

It temagebiet Lúksemboarch bestiet út in plein en in gebou yn 'e foarm fan in puntige sirkustinte. Hjiryn sitte in monorailstasjon en hoareka. Yn ien fan de restaurants sit in miniatuerachtbaan, dêr 't iten op spesjaal dêrfoar ornearre ' weinen ' oer it trajekt ride.

Attraksjes

	Namme	Type	Opm.
	Monorail-Bahn "Lúksemboarch"	Monorail	Folgjende haltes: Yslân.
	Teäter	Draaiend teäter

Horeaka

Namme	Type	Keuken
Melusina Snacks & Drinks	Loketferkeap	donuts mei ferskate toppings en drinken.
FoodLoop	All la carte restaurant	De gerjochten geane oer de kop! Je bestelle it iten en drinken fan fia in touchscreen, en it komt op dyn tafel oan oer in achtbaan! De rails fan de achtbaan rinne boppe de 215 sitplakken yn it restaurant.

Nederlân

It Nederlânske temagebiet is dekorearre nei de arsjitektuer fan de Zaanske Skâns. Der sit yn it temagebiet in plein mei neistlizzende hoareka lykas in Yndysk restaurant en poffertsjekream en de entree fan de darkride Piraten yn Batavia. Yn it midden fan it plein stiet in teekopke-attraksjes skildere yn Delfts blauwe kleuren. Fierder binne der noch in red baron-attraksje en koggemûne te finen.

Attraksjes

	Namme	Type	Opm.
	Fliegender Holländer	Draaimûne
	Roter Baron	draaimûne mei earmen
	Koffiekopjes	Teekopkesattraksje
	Piraten in Batavia	Darkride
	Ballpool	Ballenbak
	Mini-Scooter	Botsauto's

Horeaka

Namme	Type	Keuken
Friethuys	Loketferkeap	Nederlânske snacks
Bamboe Baai	Selsbetsjinningsrestaurant	Bowls, brette hin en loempia's
Molencafé	Kafee	Wikseljende iepeningstiden, krêpes en oare swiete lekkernijen lykas gebak, iis, kofjespesjaliteiten en koele drankjes.

Portegal

Portegal bestiet as temagebiet út in keunstmjittich oanlein mear. Yn dizze mar leit in replika fan it skip de Santa Maria út 1482. Yn de mar leit de wetterachtbaan Atlantica SuperSplash. Oan de râne fan de mar sit in wetterkanon dêr 't besikers fan de attraksje mei wiet spuite wurde kinne.

Attraksjes

	Namme	Type	Opm.
	Atlantica SuperSplash	Wetterattraksje
	Casa da Aventura	Oerdútsen boartersplak

Horeaka

Namme	Type	Keuken
Magellan Lounge	Kafee	Selsmakke punch, pittige gin-tonics, ferfrissende spritz-drankjes en kreative cocktails
Casa Atlântica	Selsbetsjinningsrestaurant	broadsjes en baguettes

Ruslân

It temagebiet Ruslân hat in haadstrjitte mei bebouwing yn Russyske arsjitektuer. Hjir sit ek it stasjon fan de stoomtrein en de darkride Schlittenfahrt Schneeflöckchen. Yn de oare bebouwing binne hoareka, winkels en in museum dêr 't persoanen yn tradisjonele Russyske klean oan hânwurk dogge. Oan de ein fan de haadstrjitte stiet in grut futuristysk gebou. Yn en om it gebou is de draaiende achtbaan Euro-Mir. Foar de entree fan Euro-Mir stiet in Russysk romtestasjon. Dizze is ynrjochte as museum en te besykjen.

Attraksjes

	Namme	Type	Opm.
	Euro-Mir	Achtbaan
	Lada Autodrom	Rûnrit
	Panoramabahn-stasjon "Ruslân"	Trein	Folgjende halten: Ingelân, Spanje en Dútslân.

Horeaka

Namme	Type	Keuken
CMAK - Russian Food & Burgers	Loketferkeap	hamburgers, patat en kâld drinken

Skandinaavje

It temagebiet Skandinaavjebestiet út in haadstrjitte dêr 't him ferskate hoareka befine en de entree nei de darkride Snorri Touren. Bûten dizze haadstrjitte stiet op in eilân in replika fan in Noarske staaftsjerke. Hjir binne oantinkens oan de ûnderwilens ferstoarne grûnlizzers fan it attraksjepark. Ek kin de tsjerke brûkt wurde foar eveneminten lykas houliken. Fierder binne der yn it temagebiet in skommelskip en it wyldwetterbaan Fjord Rafting.

Attraksjes

	Namme	Type	Opm.
	Snorri Touren	Darkride
	Vindjammer	Skommelskip
	Fjord Rafting	Wyldwetterbaan

Horeaka

Namme	Type	Keuken
granini Saft Butikk	Loketferkeap	Drinken en Cocktails
Is Huset	IIsalon	IIs en kofje
Fiskehuset	Loketferkeap	Fisk
Fjord Restaurant	Selsbetsjinningsrestaurant	Bakte fisk, Skandinavyske fleisgerjochten, Farsk bakte plaatkoeken en kanielbroadsjes.

Spanje

It temagebiet Spanje leit yn in healrûne foarm grinzjend oan it hotelresort fan it park. Ek grinzet de entree foar hotelgasten oan dit temagebiet. Ek herberget Spanje in arena foar optredens, in stasjon foar de stoomtrein, stasjon foar de monorail en ferskate hoareka en winkels. Kwa attraksje-oanbod binne der in koggemolen en rûpsbaan dy 't beide oerdutsen binne. Alle bebouwing yn it temagebiet is dekorearre nei de Spaanske arsjitektuer.

Attraksjes

	Namme	Type	Opm.
	Feria Swing	Draaimûne mei earmen
	Kolumbusjolle
	Panoramabahn-stasjon "Ruslân"	Trein	Folgjende halten: Ingelân, Dútslân en Ruslân.
	EP-Express-stasjon "Spanje"	Monorail	Folgjende haltes: Dútslân (stasjon "Alexanderplatz"), Hotels en Grikelân.

Horeaka

Namme	Type	Keuken
Heladería Estrellas	IIssallon	Withoefolle iis smaken en grutte iiskoupes.

Switserlân

It temagebiet is dekorearre nei in Switsersk doarp. Yn de ferskate gebouwen binne hoareka, dêr 't ûnder oare fondue servearre wurdt en in sûkeladewinkel. In tal huzen is ynrjochte as wenhûs dêr 't ferskate poppen yn dracht opsteld steane. Oer, troch en lâns it temagebiet rint de bobslee-achtbaan Schweizer Bobbahn. Oan de westkant fan it doarp sit de wylde-mûs-achtbaan Matterhorn-Blitz en in spin 'n puke-attraksje.

Attraksjes

	Namme	Type	Opm.
	Schweizer Bobbahn	Bobslide-achtbaan
	Matterhorn-Blitz	Achtbaan
	Jungfrau Gletschervlucht

Horeaka

Namme	Type	Keuken
Refreshing Station an der Bobbahn	Loketferkeap	Kâld drinken
Spirello-Kartoffel-Hüüs	Loketferkeap	Ierappelspiralen mei dipsaus en ferskate krûden of in rjemmige saus fan tsiis.
Walliser Weinkeller	Selsbetsjinningsrestaurant	tsiisfondue en Switserske winen
Walliser Stuben	Loketferkeap	raclette en Switserske vesper-skûtel

Yslân

It temagebiet Yslân grinzend oan it temagebiet Skandinaavje. Yslân hat twa blikfangers: de houten achtbaan Wodan - Anton burcoaster en lansearachtbaan Blue Fire Megacoaster. Yn it gebiet is in strjitte oanlein mei dêryn grinzjend houten bebouwing lykas yn Yslân te finen is. Hjiryn binne hoareka, winkels en in monorailstasjon. Yn 'e midden fan it temagebiet leit de attraksje Whale soktures – Northern Lights, in splash battle dy 't opfalt troch syn fjoertoer en rotsformaasjes.

Attraksjes

	Namme	Type	Opm.
	Blue Fire	Achtbaan
	Lítill Island	Wetterboarterstún
	Whale Adventures - Northern Lights	Wetterattraksje
	Wodan	Achtbaan
	Monorail-Bahn "Lúksemboarch"	Monorail	Folgjende haltes: Lúksemboarch.

Horeaka

Namme	Type	Keuken
Moby Dick Hot Dogs	Loketferkeap	Hotdogs servearre yn in broadsje mei sipels, augurken, saus en ketchup.
Flammlachsstand	Loketferkeap	Salm grille boppe iepen fjoer, servearre yn in broadsje of as gerjocht op in board.
Magnum Pleasure Store	Loketferkeap	sûkeladeiis mei toppings
Kaffi Hús	Kafee	beleine broadsjes en bagels, gebak en kofjespesjaliteiten
The Baltic - Coffee & Lounge	Kafee	kâld drinken of ferskate kofjespesjaliteiten

Grimms Märchenwald

Oan de eaststrân fan it attraksjepark sit in mearkebosk. Der stiet ferskate bebouwing yn romantyske styl dy't bekende mearkes fan Grimm útbyldzje. Hjirby wurdt gebrûk makke fan spesjale effekten, muzyk en animatronics.

Königreich der Minimoys

Dit temagebiet is hast hielendal oerdutsen en stiet yn it teken fan 'e film Arthur en de Minimoys. Blikfanger is de attraksje Arthur, in motorisearre achtbaan mei darkridedielten. Fierder binne der yn it temagebiet hoareka, winkels en alle berneattraksjes te finen.

	Namme	Type	Opm.
	Poppy Towers	Frije fal toer
	Arthur	Achtbaan
	Wurzelrutschen	Glydzbanen	Glydzbanen fan 11 en 13 meter
	Mül-Müls Karussell	Draaimûne

Horeaka

Namme	Type	Keuken
Ice&Drinks	Loketferkeap	IIs en kâld drinken
Jack's DELI	Selsbetsjinningsrestaurant	feganistyske en fegetaryske lekkernijen

Abenteuerland

Abenteuerland is een temagebiet mei ynfloeden út Afrika en Oseanië, sûnder grutte attraksjes der is in Wetterboarterstún en horeaka mei in wrâldkeuken. Earder wiene der al attraksjes yn dit temagebiet mar die binne hjoed de dei allegearre yndield by de omlizzende temagebieten.

	Namme	Type	Opm.
	Wasserspielplatz	Wetterboarterstún

Horeaka

Namme	Type	Keuken
SPICES – Küchen der Welt	Selsbetsjinningsrestaurant	Ien mei it seizoen feroarjende menukaart mei ynternasjonale gerjochten
Crocodile Bar	Kafee	cocktails en kâld en waarm drinken
Adventure Food Station	Loketferkeap	hamburgers, knapperige patatsjes, kipnuggets en kâld drinken.

Oernachtsje by it park

Europa-Park telt sân lokaasjes dêr 't oernachte wurde kin, wêrfan seis hotels en in kemping. It earste hotel iepene de doarren yn 1995, "Hotel El Andaluz" mei as Portugal as tema. Yn 1998 waard it kampearterrein iepene, it kampearterrein waard yn 2010 útwreide mei bebouwing yn de styl fan it Wylde Westen. It sechsde hotel " Hotel Krønasår" waard yn 2019 iepene.

De seis hotels yn Europa-Park foarmje mei sa'n 5.800 bêden it grutste hotelresort fan Dútslân. Gasten krije fan de hotels spesjale tagong ta it park en kinne it park 30 minuten foar reguliere iepeningstiid yn gean. Hotelgasten hawwe boppedat de mooglikheid om jûns fergees gebrûk te meitsjen fan it lêste iepeningsoere fan it park (mits se noch gjin tagongsbewiis foar dy dei hawwe). Foar gasten fan Hotel Krønasår, dat wat fierder fuort leit, wurdt in fergeze pindeltsjinst nei it park oanbean.

Fan 1996 oant en mei it winterseizoen 2015/16 koene besikers ek oernachtsje yn it pensjon "Circus Rolando" yn de direkte omjouwing fan de haadyngong. De 23 keamers wiene relatyf ienfâldich en fersierd mei kleurrike sirkusmotiven. Der wie gjin restaurant yn it pensjon. It waard begjin 2016 sletten om plak te meitsjen foar de attraksje Voletarium.

Hotel El Andaluz

It hotel El Andaluz iepene yn 1995 tegearre mei in oangrinzjend stasjon fan de monorail "EP-Express". It hotel is boud yn de styl fan Andalûsje yn Portegal. It hotel is trije ferdjippingen heech en hat ferskate soarten keamers, wêrûnder famyljekeamers en suites. Oan foarsjenningen hat it hotel in restaurant, bar, wellnesssintrum, sûvenirshop en in swimbad. Foar de yntree fan it hotel sit in oerkaping dêr't persoane-auto's har bagaazje yn- en útlade kinne. Foar de oerkaping stiet in keunstwurk besteand út in tal figueren, makke fan metaal, dy't mei de rêch nei inoar op in sokkel steane.

• 
  Foargevel (2005)
• 
  Boppe-oansjoch fan Hotel El Andaluz (linkergebou) en Hotel Castillo Alcazar (rjochtergebou) (2006)
• 
  Binnentún fan it hotel (2014)

Hotel Castillo Alcazar

Hotel Castillo Alcazar iepene yn 1999, en is it twadde hotel fan Europa-Park, it is boud as in midsiuwsk kastiel mei in Spaansk tema. It hotel grinzet oan hotel El Andaluz en is mei help fan in gongestelsel mei-inoar ferbûn. Yn dizze gongen binne ferskate harnassen en oar byldhouwurk. Ek is in fotomuorre dêr't tsientallen foto's fan mynhear Mack op hingje tegearre mei bekende persoanen lykas akteurs, politisy en sjongers. It hotel hat in rjochthoekige foarm en falt op, omdat it boppe alle oare gebouwen útstekt. Boppe yn it hotel befynt him in bar mei panorama-útsjoch. De bebouwing fan de bar stekt inkelde meters foar it gebou út. It hotel dielt de entree en resepsje mei hotel El Andaluz. Njonken in bar, hat it hotel ek noch in restaurant en swimbad.

• 
  Utsjoch fan it parkeardek ôf (2010)
• 
  Undergeande sinne falt op it gebou (2005)
• 
  Hotelkeamer mei balkon (2010)
• 
  Hotel út it attraksjepark wei sjoen (2010)

Hotel Colosseo

Hotel Colosseo waard yn 2004 iepene in hotel mei in Italjaansk tema. It hotel is yn in heale sirkel boud. Yn de sirkel sit in rûn plein dat basearre is op in Italiaanske piazza. Oan it plein grinzet in part fan in neiboud Romeinsk teäter. Dy is te beklimmen en fungearret as útsjochpunt. Yn de bebouwing fan it teäter sitte inkelde suites, in wellnesssintrum en saunakompleks. Fierder herberget it hotel ferskate bars, restaurants en in swimbad.

• 
  Utsjoch op de piazza (2014)
• 
  Haadyngong (2004)
• 
  Sicht fan boppenôf. It kompleks boppeyn is hotel Colosseo. Foar hotel Coloseo is Castillo Alcazar te sjen (2006)

Hotel Santa Isabel

Yn 2007 iepene Hotel Santa Isabel de doarren it is it twadde hotel mei in Portegeesk tema en it fjirde hotel fan Europa-park. It hotel is boud yn de styl fan in Portegeesk kleaster, en falt op troch de rûne toer by de yngong en de wite bepleistering op it hiele gebou. Yn de lobby fan it hotel sitte ferskate ferwizings nei it tema. Sa binne der ferskate poppen fan mûntsen te finen. It hotel is mei in gongestelsel ferbûn mei hotel Castillo Alcazar en Hotel El Andaluz. Kwa fasiliteiten binne yn it hotel ûnder oare in restaurant, bar en swimbad.

• 
  Eksterieur fan it hotel (linker gebou) rjochts binne de hotels Castillo Alcazar en El Andaluz te sjen. (2016)
• 
  Efterkant fan it hotel mei it swimbad (2010)

Hotel Bell Rock

It yn 2012 iepene hotel Bell Rock hat as tema New Ingelân in regio yn it uterste noardeasten fan de Feriene Steaten, mei maritime ynfloeden. Blikfanger fan it hotel is in 35 meter hege fjoertoer mei reade en wite streken dy't ynspirearre is op in fjoertoer yn Skotlân. Yn dizze fjoertoer sitte ferskate suites. It hotel leit súd fan hotel Colosseo. Tusken beide hotels leit in rivier. Kwa fasiliteiten beskikt it hotel oer in welnesssintrum, bars, restaurants en swimbad. Oan 'e efterkant ûnderskiedt it middelste gebou him troch de neoklassisistyske arsjitektuer. It gebou is wyt bepleistere en hat ferskate pylders.

• 
  Efterkant fan it hotel (2014)
• 
  De fjoertoer, blikfanger fan it hotel (2014)

Hotel Krønåsar

Yn 2019 iepene hotel Krønåsar, It sit neist it wetterpark Rulantica, en is wat fierder fan it attraksjepark ôf. It hotel hat ferskate tema's lykas Skandinaavje en in natuerhistoarysk museum. Kwa arsjitektuer binne der ferskate streamingen yn it kompleks werom te finen lykas neogotyk en neorenêssânse. Ek is de haadetree basearre op besteande bebouwing nei de hân fan de Nederlânske arsjitekt Pierre Cuypers lykas it Rijksmuseum Amsterdam en stasjon Amsterdam Centraal. It hotel is ien fan de grutste hotelresorts fan Dútslân. Yn de lobby hinget in skelet fan in seebist. Kwa fasiliteiten hat it hotel ferskate bars, restaurants, in swimbad en saunakompleksen. Ek is der in fergeze pindelbus foar hotelgasten fanwege de ôfstân tusken it hotel en it attraksjepark.

• 
  Foarkant fan it hotel (2019)
• 
  Efterkant fan it hotel (2023)

Camp Resort & kampearterrein Europa-Park Camping

Yn 1998 iepene men noardwestlik fan it attraksjepark in kampearterrein, dêr 't besikers oernachtsje kinne. Yn de jierren dy 't dêrop útwreide waard it kampearterrein, ek kaam der in "tipidoarp". Dizze tipi's kinne hierd wurde. It gebiet krige it Wylde Westen as tema. Der kamen saloons, hufkarren en blokhutten yn de styl fan dy perioade. It terrein leit oan in fiver, dêr't ek it restaurant Silverlake Saloon fêstige is. De Europa-Park Camping hat 200 kampearplakken foar caravans, steancaravans en tinten.

• 
  Tipidoarp Camp Resort (2011)
• 
  De Huifkarren en blokhutten Camp Resort (2014)

Rulantica

Oersjoch binnengebiet Rulantica (2020)

Golfslachbad (2020)

Op 28 novimber 2019 waard súdeasten fan it doarp Rust it swimparadys Rulantica iepene, in swimbad mei binnen- en bûtenromten. It tema fan it wetterpark is basearre op in ferhaal fan MackMagic oer in fiktyf eilân yn de Europeeske Noarske See. Direkt derneist waard hotel Krønasår boud.

It Rulantica-terrein hat in totale oerflakte fan 450.000 m. It wetterpark hat 13 temagebieten mei in totale oerflakte fan 40.000 m, dêr 't goed 32.600 meter fan oerdutsen. De wetterfoarsjenning fan it park wurdt fersekere troch eigen boarnen op it terrein mei in jierlikse produksjekapasiteit fan 150.000 m, dy't fuorre wurde fanút de wetterfierende laach fan de Bopperyn. Sa'n 25 persint fan de elektrisiteit dy't nedich is foar Rulantica wurdt opwekt mei sinnepanielen dy't op it dak fan de parkeargaraazje ynstallearre binne.

Al koart nei de iepening fan it park kundige de organisaasje in nije útwreiding oan: it temagebiet Svalgurok. Op 3 juny 2021 waard dizze útwreiding fan Rulantica iepene. In jier letter folge de iepening fan de twist 'n splash-mûne.

Rulantica hat yn totaal 2 swimbad kafee's, 3 sauna's en 28 glydbanen yn 14 temagebieten. De measte attraksjes binne binnen, wêrby't Svalgurok it grutste temagebiet bûten is. It is 9.000m² grut, bestiet út njoggen glydsbanen en hat in amerdûs fan 2500 liter. Yn Rulantica is der ek in wetterkarrûsel neamd Tønnevirvel bûten de Frigg-timpel, dêr 't besikers in wetterslanggefjocht hâlde kinne. Ta de attraksjes hearre glydbanen mei in totale lingte fan 1.598 m, in golfslachbad, in streamfersnelling en in "lazy river".

Glydzbanen

Namme	Lingte	Hichte	Gebiet	Lingte as Minimale lingte	Leeftiid
Kullerbuller	16 m	5,5 m	Trølldal	95 oant 150 sintimeter	3 oant 12 jier
Schabernakker	24 m	5,8 m	Trølldal	95 oant 150 sintimeter	3 oant 12 jier
Snorri’s Rutscheplads			Snorri Strand	95 oant 150 sintimeter	3 oant 12 jier
Tommelplums	20 m	5,6 m	Trølldal	95 oant 150 sintimeter	3 oant 12 jier
Falrok	51 m	6,4 m	Svalgurok	110 sintimeter	8+
Hugin	148 m	16,5 m	Rangnakor	110 sintimeter, ûnder 125 sintimeter allinne mei in folwoeksene	8+
Isrok	23 m	3,2 m	Svalgurok	100 sintimeter	4+
Istapprok	23 m	3,2 m	Svalgurok	100 sintimeter	4+
Munin	148 m	16,5 m	Rangnakor	110 sintimeter, ûnder 125 sintimeter allinne mei in folwoeksene	8+
Översnabb	18 m	3,3 m	Skip Strand	110 sintimeter	10+
Översnurra	30 m	3,3 m	Skip Strand	110 sintimeter	10+
Överstor	16 m	3,3 m	Skip Strand	110 sintimeter	10+
Skiprok	12 m	1,6 m	Svalgurok	100 sintimeter	4+
Slalomrok	48 m	6,4 m	Svalgurok	110 sintimeter	8+
Spiralrok	36 m	6,4 m	Svalgurok	110 sintimeter	8+
Svalgur Rytt	208 m	19 m	Vinterhal	110 sintimeter, ûnder 125 sintimeter allinne mei in folwoeksene	Under de 10 jier allinne mei in folwoeksene
Två Fall	133 m	15 m	Vinterhal	110 sintimeter, ûnder 125 sintimeter allinne mei in folwoeksene	10+
Vågorrok	33 m	6,4 m	Svalgurok	110 sintimeter	8+
Vragrok	14 m	1,6 m	Svalgurok	100 sintimeter	4+
Dugdrob	121 m	20 m	Rangnakor	140 sintimeter	12+
Isbrekker	13,5 m	4 m	Vinterhal	125 sintimeter	10+
Stormrok	39 m	10,7 m	Svalgurok	125 sintimeter	12+
Stormvind	136 m	15 m	Vinterhal	110 sintimeter, ûnder 125 sintimeter allinne mei in folwoeksene	10+
Vikingløp			Nordiskturn	110 sintimeter	10+
Vildfål	121 m	20 m	Rangnakor	140 sintimeter	12+
Vinter Rytt	153 m	19 m	Vinterhal	125 sintimeter	10+

Attraksjes

Namme	Type	Gebiet	Opm.
Snorri Strand	Spraypark	Snorri Strand
Snorri’s Spelaborg	Boarterstún	Snorri Strand
Hoppablad	Hindernis parkoers	Skip Strand
Snorri's Saga	Lazy river Darkride	Snorri's Saga
Surf Fjørd	Golfslachbad	Lumåfals
Tønnevirvel	Wetter draaimûne	Frigg Tempel
Snorri Snorkling VR	Dûke mei in VR-bril	Skog Lagune
Vildstrøm	streamfersnelling	Vildstrøm

Horeaka

Namme	Type	Keuken
Kelpie Café	Kafee	kofjespesjaliteiten en swiete snacks
Happiness Station	IIssalon	Softiis mei in grutte kar oan ferskate toppings
Lumålunda	Selsbetsjinningsrestaurant	pizza, pasta en salades
panoraama - de Rulantica Bar	Bar	Cocktails, limonade en kofjespesjaliteiten
Skål Bar	Bar	bier en frisdrinken
Skogbar	Swimbadbar	Cocktails
Snekkjas	Selsbetsjinningsrestaurant	hamboargers, nuggets, patat, currywurst, salade en swiete snacks
Snorri’s Piknikbud	Selsbetsjinningsrestaurant	donuts, mini-beignets en frisdrinken
Tempel Krog	Swimbadbar	Cocktails
Viking Kaffi	Selsbetsjinningsrestaurant	Kofje, swiete lekkernijen, iiskolly's en iiskâld drinken
Viking Snåck	Selsbetsjinningsrestaurant	bowls, pasta's en riisgerjochten

Boarnen, noaten en referinsjes

Boarnen, noaten en/as referinsjes:

Wikipedy:NL Wikipedy:DE Wikipedy:NL, Rulantica Wikipedy:DE, Rulantica Commons Wikimedia Commons  Ofbylden dy't by dit ûnderwerp hearre, binne te finen yn de kategory Europa-Park fan Wikimedia Commons.