Fersoargingsplak Smarpot

Fersoargingsplak Smarpot of Fersoargingsplak Smoarpot is in fersoargingsplak oan de A32 Ljouwert - Meppel op de hichte fan Akkrum by ôfslach 13. It fersoargingsplak leit op de grins fan de gemeenten Boarnsterhim en Skarsterlân.

By it fersoargingsplak is in tankstasjon fan Tamoil.

Namme

De namme "Smeerpot" stiet op de kaart fan Schotanus/Halma en giet tebek oant ein 17e iuw. Eekhoff hat him op syn Utingeradielkaart ek noch oernommen. Nei alle gedachten giet it om een âld petgat, fan in turfmakkerij tsjin de Polsleat oan dy’t yn de 17de iuw al ticht wie. It nammestikje 'Smeer' soe ynjûn wêze kinne meidat, likernôch yn deselde opstrek in kilometer súdwest de Brijpot te finen wie. Bakker, FN 4, 72, wit ek net mear te melden. Hy mient ek dat it om in stik dyk gie, mar dat soe ek in kaartynterpretaasje wêze kinne.