Formosapappegaaido
De Formosapappegaaido (Treron formosae) is in fûgel fan it skaai pappegaaidowen (Treron) út de famylje dofûgels (Columbidae).
| Formosapappegaaido | ||||||||||||
|---|---|---|---|---|---|---|---|---|---|---|---|---|
_male.jpg) mantsje. | ||||||||||||
| taksonomy | ||||||||||||
| ||||||||||||
| soarte | ||||||||||||
| Treron formosae | ||||||||||||
| Swinhoe, 1863 | ||||||||||||
| IUCN-status: gefoelich | ||||||||||||
Beskriuwing bewurkje seksje
.jpg)
Wyfkes binne hielendal grien yn ferskillende toanen en mantsjes ha dêrnjonken noch in pearsgrize flek op 'e wjukken en in oranje krún. De wjukken binne brúnswart mei smelle, gielgriene rannen op 'e gruttere dekfearren en wjukpinnen.
De besibbe Rjûkjûpappegaaido (T. permagnus) is lytser, hat in effen griene boppekant, in doffe readbrune skouderflek en in langere sturt. De Formosapappegaaido liket ek in soad op de kilesturtpappegaaido (T. sphenurus), mar hat donkerder fearren.
Gedrach bewurkje seksje
De skouwe fûgel libbet yn subtropysk, grienbliuwende bosken en kultuvearre lân mei beammen; op 'e eilannen benammen yn 'e heuvels en it leechlân, mar op Taiwan oant 2.000 m.
Fersprieding en systematyk bewurkje seksje
De Formosapappegaaido komt op Taiwan foar en de meast noardlike eilannen fan 'e Filipinen.
De soarte bestiet út twa ûndersoarten:
- T. f. formosae: endemysk op Taiwan.
- T. f. filipinus: endemysk op 'e Filipynske Batan- en Babuyaneilannen.
Earder waard de Rjûkjûpappegaaido ta deselde soarte rekkene en guon dogge dat noch jimmeroan.
Status bewurkje seksje
De Ynternasjonale Uny foar Natoerbeskerming kategorisearret de soarte as 'hast bedrige' (gefoelich). De populaasje is lyts en wurdt rûsd op 1250 oant 2000 folwoeksen fûgels, mar de grutste populaasje liket stabyl. De fûgel is seldsum yn Taiwan en tige seldsum op 'e Filipynske eilannen. De grutste bedrigingen foar de soarte foarmje it biotoopferlies en de jacht.
| Boarnen, noaten en/as referinsjes: | ||
|
