Goudkust (gebiet)
De Goudkust is it kustgebiet fan it hjoeddeiske Gana, oan de Baai fan Benyn, dêr't eartiids in protte forten boud binne fanwege de slavehannel. Ek de Westyndyske Kompanjy (WIC) hat dêr in protte forten feroverje kinnen. De meast wichtige forten wienen Elmina en Akkra. oare lannen mei forten oan de Goudkust wienen: Frankryk, Denemark, Sweden, Feriene Keninkryk en Brandenboarch. De Goudkust lei beëasten de Ivoarkust en westlik fan de Slavekust.
Skiednis
bewurkje seksjeDe earste Europeanen dy't it gebiet besochten wiene de Portugezen yn 1471; sy bouden dêr om 1590 har earste forten dêr. It earste fort wie San Sebastian, yn 1458. Letter hawwe Nederlanners, Ingelsen, Sweden, Denen, Dútsers, Frânsen en Koerlanners forten ferovere en sels ek nije set. Hast al dy forten waarden brûkt om slaven te sammeljen en fêst te setter om dy letter nei Amearika te ferfieren, dêr't sy it swiere wurk dwaan moasten.
Nederlânske forten
bewurkje seksjeYn 1637 ferovereve Johan Maurits fan Nassau-Dietz it fort (São Jorge d') Elmina op de Portugezen. Dat gong lykwols ner samar; it wie al trije kear earder besocht. Yn de neikommende iuwen soe Elmina ien fan sintrums fan de slavehannel fan de Westyndyske Kompanjy wêze. Neist Elmina hienen de Nederlanners noch in tal faktorijen oan de Goudkust. De oanswettende Slavekust hie de WIC ek forten en faktorijen.
De forten dy't yn Nederlânske hannen west hawwe binne:
- Fort Amsterdam
- Fort Apollonia
- Fort Batenstein
- Cape Coast Castle
- Carolusburg
- Christiensborg
- Coenraadsburg
- Crevecoeur
- Fort Dorothea
- Elise Cartago
- Fort English
- Goede Hoop
- Hollandia
- Fort Keta
- Fort by Kpone
- Fort Leydsaamneyd
- Fort Metaal Kruis
- Munfort
- Fort Nassau
- Fort Oranje
- Ruychaver
- Santo Antonio de Axim
- Sao Jorge da Mina (Elmina haadfort)
- San Sebastian
- Vredenburg
- Fort Witsen
De WIC brûkte dy forten foar de hannel in tal fan saken mei de lânseigen befolking, mar fral ek om slaven út it binnenlân te heljen dy't letter op de slavemerk fan Curaçao bedarren. Dêr waarden se kocht troch hannelers, dy't se ûnder oaren yn Suriname wer oan plantaazjehâlders ferkochten.
Under it Sumatra Ferdrach fan 6 april 1871 waarden de Nederlânske faktorijen oan de Goudkust foar 47.000 gûne oan de Britten ferkocht. Yn ruil dêrfoar waard Nederlân fersekere dat de Britten har net bemuoie soenen mei it Nederlânsk besykjen om Atjeh yn it noarden fan Sumatra te feroverjen.
Keppelings om utens
bewurkje seksjeFierder lêze
bewurkje seksje- Arthur Japin, De zwarte met het witte hart, roman. Uitg. Arbeiders pers,ISBN 90-295-2288-7