Grins (Eastenryk)

Grins is in gemeente yn it distrikt Landeck yn Tiroal, Eastenryk.

Grins
Doarpskearn fan Grins
Emblemen
Bestjoer
Lân	Eastenryk
Dielsteat	Tiroal
Distrikt	Landeck
Sifers
Ynwennertal	1.375 (01-01-2022)
Oerflak	21,09 km²
Befolkingsticht.	65 / km²
Hichte	1006 m boppe seenivo
Oar
Postkoade	A-6591
Tiidsône	UTC +1
Simmertiid	UTC +2
Koördinaten	47° 8′ NB, 10° 31′ EL
Offisjele webside
www.grins.tirol.gv.at
Kaart
Kaart
Lizzing fan Grins yn it distrikt Landeck

Dizze side giet oer gemeente yn Tiroal. Foar oare betsjuttings, sjoch: Grins.

Geografy

Grins leit yn it Stanzetal yn it westen fan de Eastenrykske dielsteat Tiroal. De haadkearn fan de gemeente leit oan de foet fan de 3036 meter hege Parseierspitze.

De gemeente bestiet út de kearnen (Ortsteile) Grins, Innerdorf, Außerdorf, Fals, Tasseier, Graf, Gurnau, Grist, Ochsenberg, Pazol, Gmar (sûnt 2000).

Skiednis

It gebiet fan Grins waard al yn de stientiid bewenne. Fynsten fan in stiennen bile en skerven fan urnen binne it bewiis dêrfan. De doarpsnammen fan alle doarpen yn de gemeente hawwe harren oarsprong út de Romeinske tiid. Sa komt "Grins" fan crines itjinge "spjalte" betsjut.

It doarp Grins waard yn 1288 foar it earst neamd yn in oarkonde as Grinnes fan greve Meinhard II fan Tiroal. Dêrút komt ek nei foaren dat yn dy snuorje de ikkerbou, benammmen it febouwen fan koarn, de wichtichste boarne fan bestean wie.

Yn in oardering fan de Tiroaler lânshearen waard yn 1330 fêstlein dat in wichtige hannelsdyk, de Arlbergstraße fan east nei west troch Grins rinne moast. Dêrtroch krige it plak in goede ferbining.

Yn 1434 lei de biskop fan Brixen de ekskommunikaasje op oer Grins omreden de Grinzers harren deaden sûnder it bywêzen fan in pastoar begroeven. Nei't twa jier letter de ekskommunikaasje opheft waard, krige Grins syn eigen pastoar. Yn dy snuorje waard ek de Nikolaustsjerke yn Grins foar it earst neamd.

De produksje fan dowestien wie yn dy tiid ek wichtich foar Grins. Sa waarden ferskate pleatslike tsjerken dêrfan boud.

Neffens leginden kaam Margareta fan Tiroal gauris nei de waarmwetterboarnen by Grins. Yn 1925 waard it plak in kueroarde.

Yn novimber 1945 bruts der yn in herberch in brân út dy't him al rap nei omlizzende gebouwen fersprate. De doarpsbeweners en brânwachters fan de buordoarpen wiene sa gau net yn steat de brân te dwêsten en sadwaande baarnde in grut part fan it doarp ôf. By de weropbou waard besocht it oarspronklike doarpskarakter fannijs werom te bringen.

Befolkingsferrin

Jier	1869	1900	1923	1939	1961	1981	2001	2022
Ynwenners	849	682	730	732	898	1157	1285	1375

* Boarne: Statistyk Austria

It besjen wurdich

• De letbarokke Sint-Nikolaus-karspeltsjerke fan 1775-1779
• De "Romeinske brêge" (Römerbrücke) út 1330
• 14 histoaryske monuminten

Galery

• 
  Sint-Nikolaus-karspeltsjerke
• 
  Römerbrücke
• 
  Strjitte yn Grins

Keppeling om utens

• Offisjele webside fan de gemeente Grins

Boarnen, noaten en referinsjes

Boarnen, noaten en/as referinsjes:

Dizze side is alhiel as foar in part in oersetting fan de Dútsktalige wikipedyside; foar boarnen en de bewurkingsskiednis, sjoch de:Grins

Ofbylden dy't by dit ûnderwerp hearre, binne te finen yn de kategory Grins, Austria fan Wikimedia Commons.