Groet (plak)

Groet is in doarp yn 'e gemeente Bergen yn 'e provinsje Noard-Hollân. Groet hat 1.525 ynwenners.

Groet
Tsjerkebrink
Emblemen
Bestjoer
provinsje	Noard-Hollân
gemeente	Bergen
Sifers
Ynwennertal	1.525 (1 jannewaris 2023)
Oerflak	3,25 km², wêrfan: - lân 3,24 km² - wetter 0,1 km²
Oar
Koördinaten	52° 43 'NB, 4° 40 'EL
Offisjele webside
dorpsvereniginggroet.nl
Kaart

Groet hat in skoft in selsstannige gemeente west. Yn 1834 gie it doarp al yn 'e gemeente Schoorl op en sûnt 2001 waard dy gemeente by de gemeente Bergen yndield. De plaknamme kaam al yn 'e 12e iuw as Grothen foar en yn 1480 as Groede. De plaknamme soe ferwize nei it feit dat it gebiet ea bûtendyksk oanslike en dêrnei begroeid rekke.

It besjen wurdich

Wite tsjerkje fan Groet.

It Wite Tsjerkje fan Groet waard yn 1575 fuort nei de reformaasje boud.

Oan 'e Kerkbrink stiet it lytse, eardere riedhûske út 1539.

Yn 'e Groeterpolder stiet oan 'e Hargerwei de Groetermûne, in poldermûne mei in ikehouten achtkant. Tegearre mei it elektrysk gemaal bemeallet de mûnder de polder.

Joadsk begraafplak

Sûnt 1602 begroeven de Amsterdamske Sefardyske joaden harren deaden yn Groet. Yn 1614 kochten hja in stik grûn yn Ouderkerk aan de Amstel en noch itselde jier waard dêr it begraafplak Beth Haim yn gebrûk nommen. Tenei begroeven hja de deaden dêre. De grêven fan Groet waarden sûnt 1616 romme en de omskotten binne doe op it nije begraafplak op 'e nij begroeven. It lêste grêf waard yn 1634 romme.

Kuierrûte

Troch Groet rint de Europeeske kuierrûte E9, dat dêre ek it Noardseepaad of it Hollânsk Kustpaad neamd wurdt.

Ofbylden

• 
  Poldermûne.
• 
  Byld Waskfroulju (Carla Rump).
• 
  Pleats.

Boarnen, noaten en referinsjes

Boarnen, noaten en/as referinsjes:

Dit artikel is in oersetting fan it Nederlânsktalige lemma, sjoch foar referinsjes/boarnen op nl:Groet (plaats) Commons Wikimedia Commons  Ofbylden dy't by dit ûnderwerp hearre, binne te finen yn de kategory Groet fan Wikimedia Commons.