Herfoarme tsjerke (Mildaam)

De Herfoarme tsjerke wie foarhinne de tsjerke fan de herfoarme gemeente fan Mildaam. Yn 'e tsjerke is tsjintwurdich in atelier ûnderbrocht. It tsjerkhôf is eigendom fan de protestanske gemeente fan Mildaam.

Herfoarme tsjerke
Lokaasje
provinsje	Fryslân
gemeente	It Hearrenfean
plak	Mildaam
adres	Skoatterlânskewei 37
koördinaten	52° 56' N 5° 59' E
Tsjerklike gegevens
status	bûten gebrûk steld, no: atelier
Arsjitektuer
boujier	1726
monumintale status	ryksmonumint
monumintnûmer	21184
Kaart

Skiednis

It ienfâldige gebou datearret fan 1726 en waard al yn 1964 sletten foar de earetsjinst. Foar de tsjerke drige doe ôfbraak, mar it doarp krige it foar inoar om de tsjerke te restaurearjen. De sealtsjerke mei in trijesidich koer is in ryksmonumint.

De preekstoel is noch altiten yn it gebou oanwêzich, de banken binne weihelle. De tsjerke hat gjin oargel.

Noardlik fan de tsjerke stiet op it hôf in klokkestoel, dy't yn 1935 in âldere klokkestoel ferfong. De klok mei in diameter fan 68,9 sintimeter stamt út 1986 en waard getten troch Eijsbouts, Asten. Oarspronklik hong dy klok yn Hoarnstersweach, mar mei de bou fan in nije klokkestoel dêr binne de klokken ruild. De âldere klok fan Petrus Overney ferhûze doe fan Mildaam nei de nije klokkestoel fan Hoarnstersweach.

De tsjerke foar de restauraasje yn 1979

• 
  Ynterieur
• 
  Ynterieur mei preekstoel
• 
  Súdeast gevel

Keppeling om utens

• Lûdsfragmint op Youtube fan de klok

Boarnen, noaten en referinsjes

Boarnen, noaten en/as referinsjes:

Reliwiki, oproppen 11.05.2018 Ynfo klokkestoel Mildaam Commons Wikimedia Commons  Ofbylden dy't by dit ûnderwerp hearre, binne te finen yn de kategory Herfoarme tsjerke, Mildaam fan Wikimedia Commons.