Hillige Geasttsjerke (Kopenhagen)

De Hillige Geasttsjerke (Deensk: Helligåndskirken) is in lutherske parochytsjerke yn it sintrum fan de Deenske haadstêd Kopenhagen.

Hillige Geasttsjerke
Lokaasje
lân	Denemark
plak	Kopenhagen
adres	Niels Hemmingsens Gade 5
koördinaten	55° 40'N 12° 34'E
Tsjerklike gegevens
tsjerkegenoatskip	Deenske Folkstsjerke
bisdom	Kopenhagen
Arsjitektuer
boujier	1400-1450 weropbou 1730-1732
Webside
www.helligaandskirken.dk
Kaart

Skiednis

Fan 1450 oant de reformaasje wie de tsjerke in kleastertsjerke fan de minderbruorren. By de grutte stedsbrân yn 1728 waard de hiele âlde ynrjochting fan de tsjerke ferneatige. De tsjerke waard op 'e nij boud en op 30 novimber 1732 wer ynwijd.

It Hillige Geasthûs (Helligåndshuset), in gebou dat grinzget oan de tsjerke en ea tsjinst die as hospitaal, is it grutste noch besteande midsiuwske bouwurk fan Kopenhagen. It gebou is eigendom fan de tsjerke en wurdt tsjintwurdich brûkt foar útstallings.

De Hillige Geasttsjerke is ferbûn mei de Grienlânske mienskip fan Kopenhagen. Ienris yn 'e moanne wurde hjir tsjinsten yn 'e taal fan Grienlân, it Inuktitut, fierd.

• 
  Portaal
• 
  Toer
• 
  Hillige Geasthûs

Ynrjochting

De tsjerke hat in rike ynrjochting. It neamen wurdich binne benammen:

• it alter;
• de kânsel;
• it moderne doopfont;
• it histoaryske doopfont.

Oargel

It oargel waard yn 1879 troch de oargelbouwer Knud Olsen boud. Yn 1986 waard it oargel troch Marcussen & Søn (Aabenraa) oerarbeide en fergrutte. It instrumint hat hjoeddedei 75 registers ferdield oer fjouwer klavieren en pedaal. De spyltraktueren binne mechanysk, de registertraktueren elektrysk.

Ofbylden

• 
  Ynterieur
• 
  Detail kânsel
• 
  Nij doopfont
• 
  Alde doopfont

• 
  Ferkundiging
• 
  It grutte oargel
• 
  Alter

Keppeling om utens

• (dn) Side fan de Hillige Geasttsjerke
• (dn) Ofbylden

Ofbylden dy't by dit ûnderwerp hearre, binne te finen yn de kategory Hillige Geasttsjerke, Kopenhagen fan Wikimedia Commons.