Joadsk Museum (Nederlân)

It Joadsk museum earder it Joadsk Histoarysk Museum is in museum yn Amsterdam dat de Joadske kultuer, religy en skiednis beljochtet. De museumkolleksje bestiet út mear as 11.000 keunstfoarwerpen, seremoanjele objekten en histoaryske objekten. Mar 5 persint fan de kolleksje is permanint yn it museum te zien. It oare part fan de kolleksje sit yn it depot en wurdt soms brûkt foar tentoanstellings.

Joadsk Museum Joadsk Histoarysk Museum
museum
Joadsk Museum.
Lokaasje
lân	Nederlân
provinsje	Noard-Hollân
gemeente	Amsterdam
plak	Amsterdam
adres	Nieuwe Amstelstraat
koördinaten	52° 22' N, 4° 54' EL
Algemiene gegevens
type	Kultuerhystoarysk
wurkmêd	Joadske kultuer
oprjochting	24 febrewaris 1932
Arsjitektuer
type gebou	Synagoge
arsjitekt	Daniël Stalpaert
boujier	1671
monumint. status	Ryksmonumint
monumintnûmer	265
Offisjele webside
Joods Kultureel Kwartier
Kaart
Lokaasje yn Amsterdam

Skiednis

De Heechdútske Synagoge, no Joadsk Museum yn Amsterdam.

Opgraving fan de Mikwe yn it Joadsk Museum yn Amsterdam.

It Joadsk Museum is troch de Stichting Joadsk Histoarysk Museum op 24 febrewaris 1932 yn de waach fan Amsterdam oprjochte mei de doelstelling: "it samljen en tentoanstellen fan datjinge, dat in byld jout fan it joadske libben yn it algemien en it Nederlânske Joadske libben yn it bysûnder, alles yn de meast romme sin fan it wurd, it besprekken yn gearkomsten fan ales dat Dêr mei anneks is en it te baat nimmen fan alle sadanige middels dy't Joadske keunst en wittenskip befoarderje kinne."

Yn de Twadde Wrâldkriich waard it museum ta sluten twongen en waard in grut diel fan de kolleksje yn beslach nomd. Nei de kriich kaam mar in part dêrfan werom.
By de weriepening op 14 july 1955 troch premier Willem Drees waard yn it museum mear de klam lein op de skiednis en kultuer fan de Nederlânske joaden. De kolleksje kriichsdokuminten waard dêr in wichtich diel fan.

Op 3 maaie 1987 waard it museum ferpleatst nei it Jonas Daniël Meijerplein. Dêr kaam it museum yn de fjouwer Heechdútske synagogen dy't nei mear as sadanich brûkt waard: de Grutte Sjoel (1671), Obbene Sjoel (1685), Dritt Sjoel (1700) en de Neie Sjoel (1750/1752).

Op 17 desimber 2006 waard it Joadsk Histoarysk Bernemuseum iepene troch Job Cohen, doe boargemaster fan Amsterdam. It foarmet in ûnderdiel fan it Joadsk Histoarysk Museum.

Prizen

Yn 2002 wûn it Joadsk Histoarysk Museum de twajierlikske Museumpriis fan it Prins Bernhard Kultuerfûns. Yn 2013 waard de BankGiro Lotterij Museumpriis, opfolcher fan de Museumpriis, oan it museum takend.

Boarnen, noaten en referinsjes

Boarnen, noaten en/as referinsjes:

Akademysk Erfgoed Commons Wikimedia Commons  Ofbylden dy't by dit ûnderwerp hearre, binne te finen yn de kategory Joadsk Histoarysk Museum fan Wikimedia Commons.