Kelvin Kiptum
Kelvin Kiptum (Chepsamo, 2 desimber 1999 - Kaptagat, 11 febrewaris 2024) wie in Keniaansk atleet, dy't útkaam op de maraton. Yn desimber 2022 makke hy syn debút op de folsleine maraton. Hy rûn op de Maraton fan Falinsia in tiid fan 2:01.53, in parkoersrekôr. Hjirmei rûn er op dat stuit de op trije nei rapste tiid ea en wie er de op twa nei rapste maratonrinner fan alle tiden. Yn april 2023 wûn er de Maraton fan Londen yn 2:01.25, de twadde rapste maratontiid ea rûn, 16 sekonden stadiger as Kipchoge's wrâldrekôr fan 2:01.09.
| Kelvin Kiptum | ||
 sporter
| ||
| ||
| Kelvin Kiptum (2023) | ||
| persoanlike bysûnderheden | ||
| echte namme | Kelvin Kiptum | |
| nasjonaliteit |  Keniaansk
| |
| bertedatum | 2 desimber 1999 | |
| berteplak | Chepsamo | |
| stjerdatum | 11 febrewaris 2024 | |
| stjerplak | Kaptagat | |
| lingte | 1.80 m | |
| gewicht | 65 kg | |
| sportive ynformaasje | ||
| sport | Atletyk | |
| ûnderdiel | Maraton | |
| trener | Gervais Hakizimana | |
| debút | 2022 | |
| karriêre-ein | 2024 | |
| ekstra | Wrâldrekôr maraton (2:00:35 Chicago 2023) | |
Op 8 oktober 2023 rûn Kiptum in nij wrâldrekôr op de Maraton fan Chicago, yn in tiid fan 2:00.35. Kiptum wie dêrmei de earste persoan dy't de maraton trije kear ûnder de 2:02.00 oere rûn hat, en dat boppedat yn syn earste trije folsleine maratons.
Kelvin Kiptum ferstoar op 11 febrewaris 2024, yn 'e âldens fan 24 jier, as gefolch fan in slim auto-ûngelok yn syn bertelân Kenia. Ek syn trener Gervais Hakizimana kaam by it ûngelok te ferstjerren.[1][2]
| Boarnen, noaten en/as referinsjes: | ||
|
