Kristen

In kristen (froulike foarm: kristinne) is in oanhinger fan it kristendom, of (wat beheind sjoen) in neifolger fan Jezus Kristus.

Kristusfoarstelling út de 6e iuw, Ravenna

Skiednis fan de namme

Oarspronklik wie de term 'kristen' in skelnamme foar de oanhingers fan Kristus. It soe foar it earst brûkt wurde neidat yn Jeruzalem in ferfolging útbrutsen wie, dêr't ek de lettere apostel Paulus (dy't doe noch Saulus hiet) by belutsen wie. De kristenen flechten fuort en rekken ferspraat oer it Romeinske ryk. Letter waard de skelnamme troch de nije groepearring sels oernommen om harren te ûnderskieden fan oare leauwigen lykas de Joaden.

De skiednis fan de earste kristenen is werom te finen yn it Bibelboek Hannelingen fan de Apostelen, haadstik 11.

Sjoch ek

• Ekskommunikaasje
• Heiden
• Ketter