Laetitia Casta

Laetitia Maria Laure Casta (Pont-Audemer, 11 maaie 1978) is in Frânske aktrise en supermodel.

Jonkheid

Casta waard berne yn Pont-Audemer, Normandje. Casta har mem, Line Blin, is fan Normandje; har heit, Dominique Casta, komt fan Korsika. Sy hat in âldere broer, Jean-Baptiste, en in jongere suster, Marie-Ange. Har bernejierren hat sy trochbrocht yn Normandje en Noisy-le-Grand.

Karriêre

Casta's karriêre begûn doe't hja opmurken waard troch in fotograaf yn in fakânsje op Korsika mei har famylje doe't sy 15 wie.

Casta hat it offisjele gesicht fan L'Oreal west. Se wie te sjen yn reklamekampanjes fan Guess?, yn de Sports Illustrated-badpakkespesjel, op de Pirelli-kalinder en yn de Victoria's Secret-katalogus.

Hja is sûnt 2001 mei de Italjaanske akteur Stefano Accorsi en op 21 septimber 2006 krigen se harren earste berntsje, Orlando. Casta hat ek in dochter by fotograaf Stéphane Sednaoui: Sahteene.

Filmkarriêre

Le Milieu de l'horizon, 2019
A Faithful Man, 2018
Rio 2, 2014
A Woman as a Friend, 2014
Des lendemains qui chantent, 2014
Sous les jupes des filles, 2014
Une histoire d'amour (2013)
Do Not Disturb (2012)
Arbitrage (2012)
La nouvelle guerre des boutons (2011)
Derrière les murs (2011) fan Julien Lacombe en Pascal Sid : Suzanne
Sévère (20110 fan Hélène Fillières
Rio (2011) fan Carlos Saldanha : stim fan Perla
La Guerre des boutons (2011) fan Christophe Barratier
Serge Gainsbourg, vie héroïque (2010) as Brigitte Bardot
La jeune fille et les loups (2008)
Le grand appartement (2006)
La déraison du Louvre (2006)
Luisa Sanfelice (2004) telefyzjerige
Errance (2003)
Rue des plaisirs (2003)
Âmes fortes, Les (2001)
Gitano (2000)
La Bicyclette Bleue (2000) telefyzjerige
Asterix & Obelix tsjin Caesar (1999)

Teater

Ondine (2004) toanielstik fan Giraudoux, Théâtre Antoine
Elle t'attend (2008) toanielstik fan Florian Zeller, Théâtre de la Madeleine

Boeken

Laetitia Casta troch Laetitia Casta, ISBN 0-670-88819-2

Laetitia Casta yn 2005

As Marianne

Yn 1999 waard Casta ferkeazen om model te stean foar de nije búste fan Marianne, it allegoryske symboal fan de Frânske Republyk, dy't yn elts Frânsk stêdhûs te finen is. Casta fersloech model Inès de la Fressange. Marianne's mjitten wurde noch alris feroare, mar eltse boargemaster wol sels de búste kieze foar syn doarp of stêd, sadat besteande Mariannes maklik werbrûkt wurde kinne. Enkêtes hawwe útwiisd dat Casta, Brigitte Bardot en Catherine Deneuve it populêrste binne by de boargemasters.

Keppelings om utens

Wikimedia Commons

Ofbylden dy't by dit ûnderwerp hearre, binne te finen yn de kategory Laetitia Casta fan Wikimedia Commons.