Lawrence Van Gelder

Lawrence Van Gelder (folút: Lawrence Ralph Van Gelder; New York, 17 febrewaris 1933 – dêre, 11 maart 2016) wie in Amerikaansk sjoernalist, filmkritikus en dosint sjoernalistyk.

Lawrence Van Gelder
persoanlike bysûnderheden
echte namme	Lawrence Ralph Van Gelder
nasjonaliteit	Amerikaansk
berne	17 febrewaris 1933
berteplak	New York (New York)
stoarn	11 maart 2016
stjerplak	New York (New York)
etnisiteit	Nederlânsk
wurkpaad
berop/amt	sjoernalist
aktyf as	filmkritikus
jierren aktyf	1953 – 2010
offisjele webside
Lawrence Van Gelder yn 'e IMDb

Libben en karriêre

Komôf, jonkheid en oplieding

Van Gelder waard yn 1933 berne yn New York yn in famylje fan etnysk Nederlânsk komôf. De foaroansteande biolooch Richard Van Gelder wie syn broer, en Gordon Van Gelder, in boekeredakteur en de útjouwer fan The Magazine of Fantasy & Science Fiction, wie syn omkesizzer. De argeologe Leslie Van Gelder wie ek in omkesizzer fan him. Van Gelder krige syn oplieding oan 'e Columbia Universiteit, dêr't er yn 1953 ôfstudearre.

Karriêre

Yn syn lange karriêre wurke Van Gelder by ferskate kranten yn syn berteplak New York. Dêrûnder wiene de New York Daily Mirror, de New York Journal-American en de World-Journal-Tribune. Oant en mei 2010 wie er senior redakteur fan it wyklikse katern Arts and Leisure ("Keunsten en Frije Tiid") fan The New York Times. Dêrnjonken skreau er ek filmresinsjes foar dat deiblêd.

Ferstjerren

Lawrence Van Gelder ferstoar yn 2016 yn 'e âlderdom fan 83 jier oan leiomyosarkoom, in foarm fan kanker.

Keppelings om utens

• (in) Folsleine filmografy fan Lawrence Van Gelder yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.