Lykster Haaddjip

It Lykster Haaddjip (ek: Lyksterhaaddjip) is in kanaal yn de provinsje Grinslân fan Zevenhuizen nei de Lykstermar.

It Lykster Haaddjip op de hichte fan de Tolberter Feart (2007)

It Lykster Haaddjip by Nienoard (2013)

It kanaal waard om 1560 groeven fanwege Wigbold fan Ewsum, foar de ôfwettering en as far foar turfskippen. Neidat hy yn 1525 Nienoard stifte hie woe er úteinsette mei grutte turfwinning. It Haaddjip wie nedich om de feanterij te ferbinen mei de turfmerken, benammen de stêd Grins. It Lykster Haaddjip waard it earste feankoloniale kanaal yn de provinsje Grinslân.

Oan it kanaal lizze de plakken De Like, Tolbert, Nijtap en Sânhuzen, de buorskippen Djipswâl, Oostindië en Terheijl, de wyk Eastynje en it lângoed Nienoard. Yn it sintrum fan De Like is it kanaal bedûkere.