Lyts Frisia
Lyts Frisia is in tydskrift dat sûnt 1951 útjûn wurdt troch de Jongfryske Mienskip. By de gearkomste fan de Jongfryske Mienskip fan 1 maart 2014 waard de namme feroare yn Nij Frisia.[1] Nij Frisia ferskynt fjouwer kear yn 't jier.
Sûnt 1970 ek foar de Douwe Kalmastifting. De foargonger fan it tydskrift wie Frisia (1917-1936). Sa't it ûnderskrift al seit, Tydskrift foar Fryske striid en literatuer, is it tydskrift is in literêr poadium en in foarum foar de Fryske striid. It blêd waard oprjochte troch Douwe Kalma dy't ek de earste redakteur wie. Letter folgen Wike L. Zylstra (1953-1958), Teake Hoekema (1958-1961, 1964-1970), Meinte Oosterhout (1958-1960), P.S. Bruinsma (1960-1964), G.N. Visser (1964), Anne Jousma (1967) en Juw fon Wearingha (1974).
Bysûndere nûmers wienen it Douwe H. Kiestranûmer (1970), oer Douwe Kalma (1971), W.J. Buma, Wei en Wurk fan Douwe Kalma (1972), Douwe Kalma, De Fryske wei, nasjonale opstellen út 1946-1951 (1973), Jan Bearn Singelsma, Frjemden wâdzje ús ikkers oer! (1974)
| Boarnen, noaten en/as referinsjes: |
|