Marieke Swart

Marieke Swart (Sint-Anne, 10 desimber 1994) is sjongster, presintatrise en ambassadrise foar Warchild Fryslân.

Bist wizer

Yn 2004 spilet se in rol yn de nije telefyzjerige Bist wizer foar Omrop Fryslân en Z@ppelin. De jouwer ôffleveringen geane oer bisten. Mei Jorrit Kingma út Burgum goe de doe 9-jierrige Marieke yn de rige op stap mei bistefersoarger Minke Spoelstra fan Aqua Zoo Friesland, by de Griene Stjer.

Annie

Yn it seizoen 2005/2006 krijt se de rol fan it readhierrige famke Annie yn de musical Annie, produsearre troch Albert Verlinde. Se treedt dan op yn de foarstellings yn Noard-Nederlân.

Warchild

Yn 2009 wie se te hearren op de single ‘Dyn Eagen' dat opnommen waard as inisjatyf fan Omrop Fryslân. Skoaltelefyzje woe yn syn telefyzjeprogramma's en op ynternet dat jier safolle mooglik omtinken jaan oan WarChild. Van Wieren waard frege om in nûmer te skriuwen, sjonger Robbie van Wieren skreaun de tekst en de band makke de muzyk.

Witwat

Marieke Swart presintearre al op har fyftjinde it skoaltelefyzjeprogramma WitWat en docht dêryn ek mei as gastsjongeresse Se siet op dat stuit noch op it vwo fan skoallemienskip Ulbe van Houten yn Sint Anne. WitWat is in searje skoaltelefyzjeprogrammas fan Omrop Fryslân en wurdt makke foar groep 3 en 4. Yn dit programma siket se mei har kleptop nei antwurden op fragen fan bern. It byhearrende ferske is makke troch Clara Rullmann.

Boarnen, noaten en referinsjes

Boarnen, noaten en/as referinsjes: