Mario Salieri

Mario Salieri (Napels, 29 novimber 1957) is in foaroansteand Italjaansk regisseur en filmprodusint fan pornografyske films. Hy begûn yn 1987 oan in wurkpaad yn 'e Jeropeeske pornoyndustry, en wûn mei syn wurk ferskate wichtige prizen.

Mario Salieri
persoan yn de seksyndustry
persoanlike bysûnderheden
echte namme	Mario Salieri
nasjonaliteit	Italjaansk
berne	29 novimber 1957
berteplak	Napels (Itaalje)
etnisiteit	Italjaansk
reg. identiteit	Napolitaansk
wurkpaad
wurksum as	regisseur, filmprodusint
jierren aktyf	1987 – no
offisjele webside
www.salierixxx.com

Libben en karriêre

Salieri waard yn 1957 berne yn 'e súdlike Italjaanske stêd Napels, dêr't er ek opgroeide. Hy sette yn 1987, doe't er tritich jier wie, útein mei in karriêre yn 'e Jeropeeske pornoyndustry. Yn 't earstoan makke er semy-amateurfilms foar de binnenlânske Italjaanske merk dy't er opnaam yn Amsterdam. Yn 'e 1990-er jierren begûn er lykwols iepentlik yn syn heitelân en oare dielen fan Jeropa te wurkjen.

Behalven dat Salieri films regissearre, skreau er foar de measten fan syn projekten ek sels it senario en boppedat fungearre er ek as produsint. Hy is de eigner fan 'e foaroansteande Italjaanske pornografyske filmstudio de Mario Salieri Entertainment Group. Guon fan syn bekendste films binne Inside Napoli, út 1989, en La Clinica della Vergogna, út 1995. Yn totaal hied er ein 2016 neffens de Internet Adult Film Database (IAFD) 142 films makke.

Yn 2001 wûn Salieri mei de film Divina op it Ynternasjonaal Eroatysk Filmfestival fan Barseloana de Ninfa Award yn 'e kategory bêste regisseur. Yn 2007 wûn er dyseldichste priis jitris mei de film La Vedova della Camorra. Fierders hat Salieri ek twa kear de Venus Award fan 'e erotykfakbeurs fan Berlyn wûn, en yn 2008 waard him op it Ynternasjonaal Eroatysk Filmfestival fan Barseloana de oeuvrepriis takend.

Prizen en nominaasjes

Jier	Priis	Resultaat	Kategory	Foar har optreden yn
2001	FICEB Ninfa Award	wûn	bêste regisseur	Divina
	Venus Award	wûn	Italjaanske nasjonale priis	n.f.t.
2003	Venus Award	wûn	bêste regisseur (Itaalje)	n.f.t.
2007	FICEB Ninfa Award	wûn	bêste regisseur	La Vedova della Camorra
2008	European X Award	nominearre	bêste regisseur (Itaalje)	n.f.t.
	FICEB Ninfa Award	wûn	Lifetime Career Award (oeuvrepriis)	hiele oeuvre

Keppelings om utens

• (in) Offisjele webside fan Mario Salieri
• (in) Biografy en filmografy fan Mario Salieri yn 'e Internet Movie Database (IMDb)
• (in) Biografyske gegevens en filmografy fan Mario Salieri yn 'e Internet Adult Film Database (IAFD)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Mario Salieri fan Wikimedia Commons.