Marnix Kappers
Marnix Kappers (Swol, 8 septimber 1943 – Amsterdam, 10 oktober 2016) wie in Nederlânsk akteur en presintator.
| Marnix Kappers | ||
 akteur
| ||
.jpg)
| ||
| Marnix Kappers (1968) | ||
| persoanlike bysûnderheden | ||
| nasjonaliteit |  Nederlânsk
| |
| berne | 8 septimber 1943 | |
| stoarn | 10 oktober 2016 (73 jier) | |
| jierren aktyf | 1969–2009 | |
| offisjele webside | ||
| IMDb-profyl Kappers | ||
Biografy
bewurkje seksjeWurkpaad
bewurkje seksjeYn 1966 wûn er mei de groep Déjà Vu it Camerettenfestival en yn 1967 de persoanlikheidspriis fan dit festival. Fan 1978 oant 1980 siet er yn it Kabaret Ivo de Wijs.
Kappers wurke oan ferskate telefyzjeprogrammas mei. Hy spile yn Kunt u mij de weg naar Hamelen vertellen, mijnheer? de rol fan Prins Roelof van Bontubal.
Yn de NCRV-rige De Familie Knots spile er de personaazjes "neef Herbert", "de heit fan Arend Vogel", "de buorfrou" en losse karakters. De searje hold yn 1983 op, mar seis jier letter wie Kappers wer mei Neef Herbert-bril te sjen yn it KRO-programma Lekker Weg.
Kappers presintearre fan 1991 oant 2001 mei Sylvia Millecam it telefyzjeprogramma Knoop in je Zakdoek.
Yn it teäter wie er te sjen yn "Heerlijk duurt het langst" (septimber 1998 - april 1999; as oare-helte-fan) en yn Telkens Weer Het Dorp.
Kappers die ek de neisyngronisaasje fan de animaasjesearje Pieter Post en song de yntro in fan Peppi en Kokki.
Yn 2010 wie Marnix Kappers foar it lêst op telefyzje, yn de rol fan slotmakker yn Het Sinterklaasjournaal.
Kappers stoar yn de âldens fan 73 jier. Syn famylje liet yn in koarte ferklearring witte: "Geschokt door de dood van zijn partner in 2013 en getroffen door ernstige en toenemende gezondheidsproblemen besloot hij nieuwe slagen van het noodlot niet langer lijdzaam af te wachten".[1] Op sneon 15 oktober 2016 waard er — nei in betinkingstsjinst yn de De Rode Hoed — beïerdige op begraafplak De Nieuwe Ooster yn Amsterdam.[2]
Privee
bewurkje seksjeKappers wie in soan fan learaar Dútsk drs. Gerrit Hendrik Kappers (1904 - 1992) en Jacoba Elsina Goudappel (1913 - 2005). Fan 1971 oant 2013 wenne er tegearre mei dûnser, koreograaf en akteur John Kuipers (1937-2013).
Underskieding
bewurkje seksjeYn 2008 waard Kappers beneamd ta Ridder yn de Oarder fan Oranje-Nassau.
Filmografy (in kar)
bewurkje seksje- Zonder Ernst (1993-1998), telefyzjerige (tf-rige)
- De vlinder tilt de kat op (1994)
- Mag het iets meer zijn? (1990), tf-rige
- Broertjes (1988), tf-rige mei de bruorren Groothof.
- Knokken voor twee (1982)
- De Familie Knots (1980-1984) televisieserie (meerdere personages en voice-over)
- Kunt u mij de weg naar Hamelen vertellen, mijnheer? (1972-1976), tf-rige
- Zo goed als nieuw (1969), tf-rige
Harkspullen
bewurkje seksje- Het Transgalactisch Liftershandboek
- Snotneus Ahoy
- De zandbakshow (mei Hetty Heyting)
Literatuer
bewurkje seksje- De Dolerenden en hun nageslacht. Kampen, 1990, s. 248.
 |
Ofbylden dy't by dit ûnderwerp hearre, binne te finen yn de kategory Marnix Kappers fan Wikimedia Commons. |
| Boarnen, noaten en/as referinsjes: |
|