Maud fan Bruce (dochter fan Robert I)

Maud fan Bruce (Ingelsk: Maud Bruce; folút: Matilde fan Bruce, Ingelsk: Mathilda Bruce, Normandysk-Frânsk: Mathilde de Brus; Kastiel fan Turnberry (Skotlân), 12 july 1303 – Fearn (Skotlân), 20 july 1353) wie in Skotske prinsesse en de âldste dochter út it twadde houlik fan 'e ferneamde Skotske frijheidsstrider en kening Robert de Bruce.

Maud fan Bruce
aadlik persoan en/of hearsker
nasjonaliteit	Skotsk
bertedatum	12 july 1303
berteplak	Kastiel fan Turnberry? (Skotlân)
stjerdatum	20 july 1353
stjerplak	Fearn (Skotlân)
dynasty	Hûs Bruce
etnisiteit	Skotsk Iersk Ingelsk Normandysk

Libben

Oer Maud fan Bruce is net sa'n soad oerlevere. Hja waard yn 1303 berne as it earste bern út it houlik fan 'e Robert fan Bruce, greve fan Carrick, en dy syn twadde frou Elizabeth fan Burgh. Sawol oan heite- as memmekant stamme hja út foarname Normandyske aadlike geslachten, mei dêropta Skotsk, Ingelsk en Iersk bloed. Maud kaam te wâld yn Carrick, wierskynlik op it Kastiel fan Turnberry, dat de residinsje fan 'e greven fan Carrick wie. Har folute namme wie 'Matilde', mar yn 'e measte boarnen wurdt har ropnamme 'Maud' oanholden.

Doe't Maud trije jier wie, kaam har heit as Robert I op 'e Skotske troan. Se hie in trettjin jier jongere folle suster, Margareta, en in jongere broer, David II, mei wa't se mear as tweintich jier skeelde, en dy't nei it ferstjerren fan harren heit kening fan Skotlân waard. In twadde broer fan Maud, David syn twillingbroer, dy't fan Jan hiet, kaam al mei trije jier te ferstjerren. Maud hie ek in âldere healsuster, Marjorie, út har heite earste houlik mei Isabella fan Mar.

Maud troude op in ûnbekende datum mei in Thomas Isaac of Tomas fan Isaac, dy't fan lege adel wie. Hja krigen fjouwer bern:

• Sjanette Isaac (±1337-1382)
• Katerine Isaac (±1338-1???)
• Maud Isaac (±1339-1???)
• Jan Isaac (±1350-1419)

Maud stoar yn 1353 yn in kleaster by Fearn, dêr't hja ek begroeven leit, yn 'e âlderdom fan fyftich jier.

Foarâlden fan Maud fan Bruce

16. Robert fan Bruce, 4e hear fan Annandale

8. Robert fan Bruce, 5e hear fan Annandale

17. Isabella Canmore, grevinne fan Huntingdon

4. Robert fan Bruce, 6e hear fan Annandale

18. Gilbert fan Clare, 5e greve fan Gloucester en Hertford

9. Isabella fan Clare, grevinne fan Gloucester en Hertford

19. Isabella Marshal, grevinne fan Pembroke

2. Robert I, kening fan Skotlân

20. Cailean, greve fan Carrick

10. Neil, greve fan Carrick

21. ûnbekend

5. Marjorie, grevinne fan Carrick

22. Walter Stewart, 3e grutsteedhâlder fan Skotlân

11. Margareta Stewart, frouwe fan Dundonald

23. Bethóc, grevinne fan Angus

1. Maud fan Bruce

24. Richard fan Burgh, 1e baron fan Konnacht

12. Walter fan Burgh, 1e greve fan Ulster

25. Egidia fan Lacy, baronesse fan Konnacht

6. Richard fan Burgh, 2e greve fan Ulster

26. Jan FitzGeoffrey

13. Isabella FitzJohn

27. Isabella Bigod

3. Elizabeth fan Burgh, grevinne fan Ulster

28. Hubert fan Burgh, 1e greve fan Kent

14. Jan fan Burgh

29. Beätriks fan Warenne

7. Margareta fan Burgh

30. Willem III fan Lanvaley

15. Hawise fan Lanvaley

31. Maud fan Peche

Boarnen, noaten en referinsjes

Boarnen, noaten en/as referinsjes:

Geneälogyske ynformaasje oer Maud fan Bruce