Moetingstsjerke (Mearum)

De Moetingstsjerke (Ontmoetingskerk) oan 'e Krúswei yn Mearum (Grinslân) wie in grifformearde tsjerke en is tsjintwurdich ien fan 'e tsjerken fan 'e protestanske gemeente Mearum-Noardwyk.

Moetingstsjerke
Lokaasje
provinsje	Grinslân
gemeente	Westerkertier
plak	Mearum
adres	Krússtrjitte
koördinaten	53° 08' N 6° 16' E
Arsjitektuer
arsjitekt	Eldering en Meerholts
boujier	1926
Webside
Side tsjerklike gemeente
Kaart

Skiednis

De tsjerke waard boud foar de grifformearde gemeente fan Mearum, dy't op 12 april 1852 troch dûmny T.F. de Haan ynstituearre wie. Yn dat jier waard in earste tsjerke foar de fan 'e Nederlânsk Herfoarme Tsjerke ôfskieden gemeente boud. De gemeente woeks yn ledetal hurd en al rillegau wie de gemeente oan in nije tsjerke ta. Yn 1926 waard de hjoeddeiske krústsjerke yn gebrûk nommen op in lokaasje, dy't skeef efter de earste tsjerke leit. Nei't de nijbou op 30 desimber 1926 yn gebrûk nommen waard, is de earste tsjerke ôfbrutsen.

Op 15 septimber 2013 ûntstie nei in lang proses út de Herfoarme gemeente Mearum-Noardwyk en de Grifformearde tsjerke fan Mearum de protestantske gemeente Mearum-Noardwyk. De eardere Grifformearde tsjerke is it plak dêr't de protestanske gemeente alle sneinen byinoar komt.

Oargel

It oargel waard yn 1962 boud troch Ernst Leeflang út Apeldoarn. Nei in restauraasje is it oargel op 1 july 2000 wer yn gebrûk nommen.

Sjoch ek

• Herfoarme tsjerke fan Mearum

Keppeling om utens

• Het Orgel: disposysje oargel

Boarnen, noaten en referinsjes

Boarnen, noaten en/as referinsjes:

Side Skiednis Grifformearde Tsjerken yn Nederlân Commons Wikimedia Commons  Ofbylden dy't by dit ûnderwerp hearre, binne te finen yn de kategory Tsjerken yn Mearum fan Wikimedia Commons.