Narvik

Narvik is in stêd en in gemeente yn de provinsje Nordland yn Noarwegen. It plak dat yn 1902 stedsrjocht krige, hie yn 2022 21.530 ynwenners. Mei syn lokaasje op 68° noarderbreedte is er nei it Russyske, krekt wat noardliker lizzende Moermansk, de meast noarlike stêd yn Europa mei in spoarstasjon. Narvik leit oan de Narvik Fjord (Ofotfjord). De gemeente is part fan de tradisjonele regio Ofoten yn Noard-Noarwegen.

Narvik
Narvik
Polityk
Lân	Noarwegen
Provinsje	Nordland
Gemeente	Narvik
Sifers
Oerflak	2.023 km2
Ynwennertal	21.530 (2022)
Befolkingstichtens	6 inw./km
Oar
Stifting	1902
Tiidsône	UTC+1
Simmertiid	UTC+2
Offisjele webside
Webside gemeente Narvik
Kaart

Izererts út Kiruna en Malmberget wurdt oer it spoar nei de havens fan Luleå en Narvik ferfierd.
(grinzen fan 1920–1940.)

Narvik, april 1940

Narvik mei syn iisfrije haven oan de waarme Golfstream, wie in spearpunt by de Dútske ynvaazje fan Noarwegen yn april 1940. Ut Narvik wei koe izererts út it neutrale Sweden nei Dútslân (fral Emden) ferfierd wurde. Narvik is ek letter yn de Twadde Wrâldkriich geregeldwei bombardearre troch de Alliearden en de Dútsers om de haven te blokkearjen as wol om him frij te hâlden foar de skipfeart nei Dútslân.

Namme

It plak is neamd nei in pleats mei de namme Narvik ("Narduigh" - 1567). De betsjutting fan it earste elemint is 'net witten', mar vik betsjut 'ynholte'.

Narvik hiet yn 't earstoan Victoriahavn nei Victoria fan it Feriene Keninkryk, mar ek de kroanprinsesse fan Sweden, Victoria waard mei de namme eare.

Galery

• 
  Narvik leit 2407 km fan de noardpoal
• 
  It spoar yn Narvik
• 
  Narvik en Ofotfjord fan de Fagernes ôf sjoen
• 
  Narvik yn 'e wintermoannen

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Narvik fan Wikimedia Commons.