Notre Dame (Dinant)

De Collegiale Notre Dame (Frysk: Kollegiale Us-Leaffrouwetsjerke) is in goatyske tsjerke yn 'e Belgyske stêd Dinant (Walloanje). It bouwurk waard fan grize kalkstien boud út 'e omkriten fan Dinant.

Notre Dame
Lokaasje
lân	Belgje
plak	Dinant
koördinaten	50° 15' N 4° 54' E
Tsjerklike gegevens
tsjerkegenoatskip	Roomsk-Katolike Tsjerke
bisdom	Namen
patroanhillige	Marije
Arsjitektuer
boustyl	gotyk
Kaart

Skiednis

Ynterieur

De tsjerke waard yn 'e 10e iuw yn romaanske styl boud, mar ferwoastge yn 1227, doe't in stik oerhingjende rots del kaam. Dêr kamen 36 minsken by om it libben. Allinnich it noardlike romaanske portaal fan dy eardere tsjerke bleau bewarre.

De nije tsjerke waard wer opboud yn goatyske styl. It koer en it dwersskip waarden om 1250 hinne foltôge. De tuorren en de trijeskippige tsjerke folgen yn likernôch 1280. De bou fan de middelste klokketoer, bekroand mei in sipelfoarmige opbou en lantearne, kaam yn 1566 ree. Dy klokketoer wie eins bedoeld foar it stedhûs. Tsjin it ein fan 'e 16e iuw krige it middenskip en it dwersskip in nij ferwulft. It koer hat in omgong, mar gjin kapellekrâns.

Yn 'e 19e iuw en nei in bombardemint yn 1914 wiene der restauraasjes oan de tsjerke.

It finster yn it dwersskip waard makke troch de glesker Gustave Ladon (1863-1942) en heart ta de grutste glêsruten yn Jeropa. Yn it rút wurde Bibelske foarstellings ôfbylde.

Keppeling om utens

• (fr) De Us-Leaffroutsjerke fan Dinant op de side fan Iepen tsjerken

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Nederlânsktalige Wikipedyside; sjoch foar de bewurkingsskiednis: [1] Commons Wikimedia Commons  Ofbylden dy't by dit ûnderwerp hearre, binne te finen yn de kategory Kollegiale Us-Leaffroutsjerke fan Wikimedia Commons.