Omkearwurdboek fan de Fryske taal
It Omkearwurdboek fan de Fryske taal is in omkeard wurdboek fan Fryske wurden. Yn in omkearwurdboek steane wurden yn de alfabetyske folchoarder fan de einichste letters. De wurden fan de wurdlist binne dus alfabetisearre fan efterút, ek wol 'retrograde wurdlist' neamd.[1] Sa steane bygelyks alle wurden dy't op -um einigje, ûnder elkoar.
| Omkearwurdboek fan de Fryske taal | ||
| ||
| algemiene gegevens | ||
| auteur | A. Dykstra en J. Reitsma | |
| taal | Frysk | |
| sjenre | wurdboek | |
| 1e publikaasje | 1987 Ljouwert 1992 útwreide werprinting | |
| oarspr. útjwr. | Fryske Akademy, nr. 6799 | |
| kodearring | ||
| ISBN | 90-6171-679-9 | |
Doel bewurkje seksje
.jpg)
It boek is ornearre as helpmiddel by it bestudearjen fan de morfology fan it Frysk. Sa kin bygelyks neigien wurde watfoar gearstallingen der binne mei -hûs as twadde lid of hokker ôfliedingen mei -ich of -heid der binne, of hokker wurden bygelyks einigje op -keunst of -sân. [2] Retrograde wurdboeken kinne ek brûkt wurde as rymwurdboek of as puzelwurdboek by taalpuzels. Sa kin om in oplossingswurd socht wurde dêr’t allinnich de lêste letter fan bekend is.
It Omkearwurdboek fan de Fryske taal waard makke op basis fan 58.170 lemmata fan it Frysk Wurdboek diel 1 fan J.W. Zantema. De lemmata binne oanfold mei plaknammen en gemeentenammen.[3][4][5] Oars as by it gewoane wurdboeke wurde yn it Omkearwurdboek lettertekens mei diakrityske tekens beskôge as aparte karakters. Sa folgje nei ..-tún-bazún bygelyks ûn-bûn-... It boek fan 194 siden waard gearstald troch leksikograaf Anne Dykstra en Jogchum Dykstra fan de ôfdieling Taaldatabank fan de Fryske Akademy. Yn 1992 folge in útwreide werprintinge fan 470 siden.[6]
| Boarnen, noaten en/as referinsjes: |
|