Pankoekstermole
De Pankoekstermole is in mealreeë poldermole en ryksmonumint tusken Wytmarsum en Burchwert yn 'e gemeente Súdwest Fryslân. De mole stiet ûngefear 2,5 km ten easten fan Wytmarsum, tichtby de Harnzerfeart.
| Pankoekstermole | ||
 mûne / mole
| ||
| ||
| lokaasje | ||
| provinsje |  Fryslân
| |
| plak |  Wytmarsum
| |
| adres | Ripenderleane 6 | |
| koördinaten | 53° 6' NB, 5° 30' EL | |
| bysûnderheden | ||
| type mûne | Muonts | |
| funksje | Poldermole | |
| flecht | 19,80 m m | |
| boujier | 1900 | |
| oare ynformaasje | ||
| eigner | Stifting De Fryske Mole | |
| monumintale status |  ryksmonumint
| |
| monumintnûmer | 39438 [1] | |
| Kaart | ||
  | ||
Skiednis bewurkje seksje
De Pankoekstermole is in grutte muonts, dy't yn 1900 boud waard, om tegearre mei de yn 1955 sloopte mole 'De Foarútgong' de ûngefear 700 ha grutte Easthimmerpolder te bemeallen. De Pankoekstermole ferfong in út 1817 datearjende mole, dy't in jier earder ôfbaarnd wie. Sawol de Pankoekstermole as de Foarútgong hiene selsswichting.
Yn 1967 krige de Pankoekstermole in diselmotor. Neidat de mole yn 1976 troch de bou fan in gemaal tusken Boalsert en Skettens syn funksje ferlear, waard de diselmotor ferwidere. By in yn datselde jier foltôge restauraasje fan de mole krigen de wjukken âldhollânsk hekwurk. By de restauraasje fan 2014 waard it âldhollânsk hekwurk wer ferfongen troch selsswichting.
De mûne is sûnt 1977 eigendom fan de Stifting De Fryske Mole en op ôfspraak te besichtigjen. It Wetterskip Fryslân wiisde de mole yn 2006 oan as reservegemaal by wetteroerlêst.
Beskriuwing bewurkje seksje
De Pankoekstermole is houten achtkante mole op stiennen fjildmuorren. It achtkant fan 'e mole is reiddutsen. De wjukken fan 'e mole hawwe selsswichting en de flecht is krapoan 20 m.
Sjoch ek bewurkje seksje
Keppeling om utens bewurkje seksje
- Moledatabank De Pankoekstermole op de Moledatabank
- De Pannekoekstermole op De Feriening de Hollânske Mûne
| Boarnen, noaten en/as referinsjes: | ||
|
