Peter Blue Cloud

Peter Blue Cloud (Aroniawenrate) (Kahnawake, Kebek, Kanada, 10 juny 1933 - 2011 ) wie in Mohawk dichter.

Peter Blue Cloud
skriuwer
persoanlike bysûnderheden
echte namme	Peter Blue Cloud (Aroniawenrate)
nasjonaliteit	Kanadeesk
berne	10 juny 1933
berteplak	Kahnawake
stoarn	2011
etnisiteit	Mohawk
wurk
taal	Ingelsk
sjenre	Poëzy
bekendste   wurk(en)	Turtle, Bear, and Wolf

Hy waard grutbrocht yn in Mohawkreservaat yn Kahnawake, dêr't er nei skoalle gie. Letter krige er ûnderrjocht yn Buffalo, New York. Hy koe allinnich Mohawk prate, mar syn pake brocht him yn de kunde mei Ingelsktalige boeken. As tsiender begûn er al lieten en gedichten te skriuwen. Earst publisearre er yn it blêd Akwesasne Notes, dêr't er yn 1975 poëzyredakteur fan waard. Hy fertsjinne syn brea ek as stielarbeider, timmerman en houtkaper.

Blue Cloud bringt lânseigen yndiaanske myten en hjoeddeiske ûnderwerpen byelkoar yn sin wurk.

De Fryske dichter Jelle Kaspersma sette Turtle, Bear, and Wolf fan him oer yn it Frysk as Skyldpod, Bear en Wolf (1979).

Prizen

Blue Cloud krige de American Book Award, Before Columbus Foundation, 1981 foar Back Then Tomorrow.

Boeken

• Alcatraz Is Not an Island (red) (nonfiksje), Wingbow Press, 1972.
• Coyote and Friends, Blackberry Press, 1976.
• Turtle, Bear, and Wolf (poëzy), Akwesasne Press, 1976.
• Back Then Tomorrow (poëzy/proaza), Blackberry Press, 1978.
• White Corn Sister (poetry/play), Strawberry Press, 1979.
• Elderberry Flute Song (poëzy/proaza), Crossing Press, 1982.
• Coyote's Journal, (redakteur mei James Koller, Gogisgi Carroll Arnett en Steve Nemirow) Bookpeople, 1983.
• Sketches of Winter with Crows (poëzy), Strawberry Press, 1984.
• The Other Side of Nowhere (poëzyy/proaza), White Pine, 1990.
• Clans of Many Nations: Selected Poems, 1969-1992, White Pine, 1993.

Sjoch ek

• Koarte biografy yn it Native American Authors Project yn de Internet Public Library (in)

Boarnen, noaten en referinsjes

Boarnen, noaten en/as referinsjes:

Nativewiki.org: Peter Blue Cloud