Petrus- en Paulustsjerke (Smolensk)

De Petrus- en Paulustsjerke (Russysk: Церковь Петра и Павла, Tserkov Petra i Pavla) is in otterdokse tsjerke yn Smolensk, Ruslân. It is ien fan 'e trije monuminten út de tolfte iuw dy't Smolensk ryk is.

Petrus- en Paulustsjerke Петропавловская церковь
Lokaasje
lân	Ruslân
oblast	Smolensk
plak	Smolensk
koördinaten	54° 47' N 32° 02' E
Arsjitektuer
boujier	1146
boustyl	byzantynske arsjitektuer
monumintale status	Kultureel monumint fan federaal belang
monumintnûmer	671520256590006
Kaart

Skiednis

De tsjerke waard yn 1146 boud yn opdracht fan prins Rostislav Mstislavitsj en konsekrearre troch de earste biskop fan Smolensk.

Under de Poalske besetting fan 'e stêd fan 1611 oant 1654 wie de tsjerke in katolike tsjerke. Nei de befrijing fan Smolensk waard it op 'e nij in otterdokse tsjerke.

De tsjerke waard yn 'e 18e iuw hielendal ferboud en njonken de westlike kant waard de Barbaratsjerke oanboud.

Yn 1812 plonderen Frânske troepen de tsjerkeby de ynvaazje fan Napoleon yn Ruslân. Mei help fan 'e oerheid koe de tsjerke wer reparearre wurde. Doe't yn 1943 fochten waard om de befrijing fan Smolensk fan 'e Dútsers waard de tsjerke wer fernield.

Nei de Oktoberrevolúsje waard de tsjerke yn 1935 sletten foar de earetsjint en oerdroegen oan it museum. De Barbaratsjerke bleau ynearsten noch iepen foar tsjerketsjinsten, mar dêrnei moast ek dy de doarren fan 'e kommunistyske oerheid slute.

Under lieding fan 'e arsjitekt Pjotr D. Baranovsky waard de tsjerke yn 'e jierren 1962-1963 yn syn oarspronklike foarm werom brocht en skieden fan de westlike Barbaratsjerke. Nei de renovaasje die by archeologysk ûndersyk bliken dat eardere de tsjerke mei galerijen omfieme wy.

Op 26 maaie 1991 krige de Petrus- en Paulustsjerke de tsjerklike funksje werom.

Sjoch ek

De oare twa 12e-iuwske monuminten fan Smolensk binne:

• Aartsingel Michaeltsjerke
• Tsjerke fan Jehannes de Evangelist

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Церковь Петра и Павла на Городянке Commons Wikimedia Commons  Ofbylden dy't by dit ûnderwerp hearre, binne te finen yn de kategory Petrus- en Paulustsjerke, Smolensk fan Wikimedia Commons.