Petrus- en Paulustsjerke yn Kozjevniki (Veliki Novgorod)
De Petrus- en Paulustsjerke (Russysk: Петропавловская церковь; Petropavlovskaja tserkov) is in Russysk-otterdoks tsjerkegebou yn Veliki Novgorod, Ruslân. De krúskoepeltsjerke waard boud yn 1406.
| Petrus- en Paulustsjerke
Петропавловская церковь | ||
| ||
| ||
| Lokaasje | ||
| lân |  Ruslân
| |
| oblast |  Novgorod
| |
| plak |  Veliki Novgorod
| |
| koördinaten | 58° 31' N 31° 16' E | |
| Arsjitektuer | ||
| boujier | 1406 | |
| monumintale status | Federaal monumint/wrâlderfgoed | |
| monumintnûmer | 531510245670006 | |
| Webside | ||
| novgorodmuseum.ru | ||
| Kaart | ||
.svg)  | ||
Skiednis en beskriuwing
bewurkje seksjeUnder de tsjerken fan Veliki Novgorod is de Petrus- en Paulustsjerke fan ienfâldige en beskieden omfang. Nettsjinsteande dat binne de fan kalkstiennen blokken boude gevels, de apsissen en de unike tamboer dekorearre mei bakstiennen mitselwurk fan krusen, bôgen, friezen en roazetten. De tsjerke stiet yn it sintrum fan 'e stêd sûd fan it Zverin-Pokrovski-kleaster fan 'e Foarbea.
De namme fan 'e Petrus- en Paulustsjerke wurdt assosjearre mei Kozjevniki, de wyk fan 'e learloaiers, om't harren gild de bou fan 'e tsjerke bekostige (Russysk: ремесленники-кожевники; remeslenniki-kozjevniki). De tsjerke út 1406 kaam yn it plak fan in houten tsjerke út 1227, dy't yn 1384 ôfbaarnde. Hjoed-de-dei is de Petrus -en Paulustsjerke in museum. De ikoanen fan 'e tsjerke wurde útstald yn it Histoarysk Museum yn it kremlyn fan Veliki Novgorod.
De klokketoer fan 'e tsjerke waard yn 'e jierren 1930 ôfbrutsen. Yn 'e Twadde Wrâldkriich rekke de tsjerke slim skansearre, mar yn 1959 op 'e nij boud.
| Boarnen, noaten en/as referinsjes: | ||
|
Dizze side is alhiel of foar in part in oersetting fan de Frânsktalige Wikipedyside; sjoch foar de bewurkingsskiednis: fr:Église Pierre et Paul des Kojevnikis
|
