Petrus Antonides

Petrus Anthonius Antonides (Britsum, 4 augustus 1657 - Raerd, 9 maaie 1738) wie dûmny yn Ealsum en Raerd (1697-1737).

Petrus Antonides waard berne as fjirde bêrn fan Antonius Petri en Jancke Tammeri Baerdt.

Yn 1684 waard er dûmny yn Ealsum, dêr't er 2 juny 1689 boaske mei Trijntje Verhoeck (*Ljouwert, 1668). It pearke krige hjir trije bêrn:

• Andreas Antonides, 9 maart 1690.
• Jancke Antonides, 10 jannewaris 1692.
• Antonius Antonides, 27 septimber 1696.

Fan 1697 oant en mei 1736 wie Antonides dûmny yn Raerd, dêr't it pear noch trije bern krige:

• Sara Antonides, 8 maaie 1698.
• Antoni Antonides, 7 novimber 1703.
• Anne Antonides, 18 maart 1708.

Yn dit plak is Antonides 9 maaie 1738 ek ferstoarn.