Port-au-Prince

Port-au-Prince (Kreyòl: Pòtoprens) is de haadstêd en de grutste stêd fan Haïty. De stêd hie yn 2006 1.277.000 ynwenners. De agglomeraasje, mei de stêden Cité Soleil, Delmas, Carrefour en Fond-Parisien, meast út sloppewiken besteand, wurdt bewenne troch 2,5 - 3 miljoen minsken. Port-au-Prince is teffens haadstêd fan it departemint Ouest en fan it arrondissemint Port-au-Prince.

Port-au-Prince
Bestjoer
Lân	Haïty
Departemint	Ouest
Arrondissemint	Port-au-Prince
Sifers
Ynwennertal	1.277.000(2006)
Oerflak	36,04 km²
Befolkingsticht.	33.000 / km²
Hichte	98 m
Oar
Stifting	1749
Tiidsône	EST (UTC-5)
Koördinaten

De stêd leit oan in baai fan de Golf fan Gonâve. Port-au-Prince eksportearret kofje en sûker en der wurdt fierders hannele yn sjippe, tekstyl en semint.

It plak waard yn 1749 stifte troch Frânske sûkerplanters. Yn 1804 waard Port-au-Prince de haadstêd fan it doe krekt ûnôfhinklik wurden Haïty. Dêrfoar waard de stêd beset troch Britske troepen.

Toerisme

De wiffe politike tastân yn Haity hat it toerisme yn Port-au-Prince net folle skea dien. De Ynternasjonale Lofthaven Toussaint Louverture is it wichtige startpunt foar bûtenlânske toeristen. De measte toeristen besykje en ferbliuwe yn Pétionville.

Yndieling

De gemeente Port-au-Prince bestiet út de neifolgjende sections communales:

Nr.	Namme
1	Turgeau
2	Morne L'Hôpital
3	Martissant

Ierdskodding 2010

Op tiisdei 12 jannewaris 2010 (16:53 oere pleatslike tiid) waard Haïty rekke troch in swiere ierdskodding (mei in krêft fan 7,0 op de skaal fan Richter. It episintrum lei op 13 kilometer djipte sa'n 15 kilometer fan it sintrum fan Port-au-Prince, dat slim ferwoastge waard. De skodding waard folge troch ferskate swiere neiskokken. Der binne mear as 100.000 deaden fallen.

Satellytfoto

Boarnen, noaten en referinsjes

Boarnen, noaten en/as referinsjes:

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Port-au-Prince fan Wikimedia Commons.