Prior Lake (Minnesota)

Prior Lake (útspr.: ['pɹɑ:iǝɹ le:k]) is in stêd yn Scott County, yn it súdlike part fan 'e Amerikaanske steat Minnesota. It leit besuden de rivier de Minnesota oan 'e iggen fan twa marren, Upper en Lower Prior Lake, 32 km súdwestlik fan Minneapolis. Neffens in offisjele skatting út 2012 (op grûn fan 'e gegevens fan 'e folkstelling fan 2010) lei it ynwennertal fan Prior Lake doe op krapoan 24.000 minsken. Mei buorstêden foarmet it it súdwestlike part fan 'e agglomeraasje fan Minneapolis-Sint-Paul, in stêdekloft dy't goed 3,4 miljoen ynwenners hat.

Prior Lake
Emblemen
Bestjoer
Lân	Feriene Steaten
Steat	Minnesota
County	Scott County
Sifers
Ynwennertal	23.754 (2012)
Oerflak	47,5 km² (ynkl. wetter) 40,0 km² (allinnich lân)
Befolkingsticht.	570,0 / km²
Stêdekloft	Minneapolis-St. Paul
Hichte	289 m
Oar
Stifting	1875
Tiidsône	UTC -6
Simmertiid	UTC -5
Koördinaten	44°42′48″N 93°25′22″W
Offisjele webside
www.cityofpriorlake.com
Kaart
De lizzing fan Prior Lake yn Scott County en yn 'e steat Minnesota.

Skiednis

De delsetting Prior Lake waard stifte yn 1875, en krige yn 1891 formeel de status fan doarp. Yn 'e twadde helte fan 'e tweintichste iuw woeks de befolking fluch oan fanwegen de maklike berikberens fan it sintrum fan Minneapolis fanút Prior Lake.

Demografy

Neffens gegevens fan 'e folkstelling fan 2010 wie doe fan 'e befolking fan Shakopee 9,3% âlder as 65 jier en 28,6% jonger as 18 jier. Fierders bestie 26,5% fan 'e húshâldings út ien persoan, wylst neffens âldere gegevens, fan 'e folkstelling fan 2000, doe 12,4% fan 'e befolking ûnder de earmoedegrins libbe. Wat de etnyske opbou fan 'e befolking oangiet, dy wie yn 2010 sa: 88,9% blanken; 3,0% Aziaten; 2,1% Latino's; 1,6% Yndianen; 1,5% swarten; 2,9% oaren of fan mingd etnysk komôf.

Keppelings om utens

• (in) Offisjele webside fan Prior Lake

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.