Protestantske tsjerke (Bornich)
De Protestantske tsjerke oan de Rathausstraße is in tsjerkegebou yn it plak Bornich yn de Dútske dielsteat Rynlân-Palts.
| Protestantske tsjerke | ||
| ||
| ||
| Lokaasje | ||
| lân |  Dútslân
| |
| dielsteat |  Rynlân-Palts
| |
| plak | Bornich | |
| adres | Rathausstraße 3 | |
| koördinaten | 50° 07' N 7° 45' E | |
| Tsjerklike gegevens | ||
| tsjerkegenoatskip | EKD | |
| Arsjitektuer | ||
| boujier | Aldste dielen 12e iuw | |
| boustyl | Romaanske en goatyske arsjtektuer | |
| Webside | ||
| Side tsjerklike gemeente op de doarpsside | ||
| Kaart | ||
  | ||
Beskriuwing bewurkje seksje
Aldste dielen fan de tsjerke foarmje de toer en in part fan it skip, dy't werom geane op de 12e iuw. De rest fan de oarspronklike tsjerke is yn de 16e iuw ôfbaarnd. De nijbou fan 1573 waard yn de 18e iuw oan de súdlike kant ferhege en yn de jierren 1960-1962 restaurearre.
Nettsjinsteande de barokke feroarings yn de 18e iuw mei it ynbringen fan houten galerijen en in stúkplafond is yn de tsjerke de oarspronklik romaanske pylderbasilyk noch goed te trasearjen. It trijesidich sletten koer is fan oarsprong goatysk.
Boppe de galerij hinget in skilderij út de earste helte fan de 17e iuw mei in foarstelling fan de krusiging, dy't taskreaun wurdt oan de Flaamske skoalle yn neifolging fan Peter Paul Rubens. De barokke preekstoel waard yn 1724 foar 20 ryksdaalders yn Nastätten boud.
Oargel bewurkje seksje
It barokke oargelfront datearret út 1724, wylst it ynstrumint sels út 1937 stamt en troch de firma Weigle boud waard. It hat twa manualen, ien pedaal, 13 klinkende registers en in elektryske traktuer.
Op de middelste oargeltoer steane de latynske wurden QUIS UT DEUS en op de oare tuorren lofts LAUDAE (= Laudate) en rjochts DOMINUM ("Lovet de Heare"). Quis ut Deus betsjut "Wa is as God" en is de latynske oersetting fan de namme Michael, itjinge mooglik in ferwizing is dat de tsjerke eartiids yn de roomske tiid oan de aartsingel Michael wijd wie.
De oargelgalerij is beskildere mei blommen en putto's.
Ofbylden bewurkje seksje
-
Oersjoch ynterieur -
Preekstoel -
Oargel
| Boarnen, noaten en/as referinsjes: |