Q-liner

Arriva Q-liner op it busstasjon yn Utert yn de griene kleur

De Q-liner is in snelbus dy't sûnt jannewaris 2003 yn de noardlike provinsjes fan Nederlân rydt. Ferfierder Arriva betocht de Q-Liner as alternatyf foar de Interliner, in snelbusformule fan de VSN-Groep dy't yn de njoggentiger jierren fan de 20e iuw troch hast alle Nederlânske streekferfierders brûkt waard.

Connexxion woe yn de takomst as ienige de hannelsnamme Interliner brûken bliuwe, dus moasten oare ferfierders oare nammen foar harren bussen brûke. Doe't Arriva it busferfier yn in gedeelte fan Súd-Hollân útfieren gie waard dat de Q-liner, wêrby't de Q foar Quality stiet.

Letter hat Arriva de namme Q-Liner yn de noardlike provinsjes oerdroegen oan de OV-autoriteiten, wêr't troh de namme ek troch oare ferfierders brûkt wurde kin.

Arriva wie foar 2005 de ienige ferfierder dy't de namme Q-Liner brûkte. Sûnt 1 july 2005 brûkt Connexxion de namme ek foar de snelbus Lelystêd - Grins (line 315). Dy line waard yn it earstoan noch tegearre troch Arriva en Connexxion riden ûnder de namme Interliner. De line is lykwols oanbestege troch de OV-autoriteiten yn Fryslân, Grinslân en Flevolân, wêrby't as eask gou dat de namme Q-Liner brûkt wurde moat troch de nije ferfierder.

HOV-taryfBewurkje

Om yn de ferskillende produktformules dochs noch wat unifoarmiteit te krijen, is yn 2004 it 'HOV-taryf' ynfierd op de Griene Interliners en op de Q-liners. Dit taryfsysteem is basearre op it NS-taryf mar is net mear útwikselber. By it HOV-taryf binne de nasjonale ferfierbewizen ek jildich yn kombinaasje mei in taslachkaartsje, mar dan allinnich op de koartere ôfstannen. D.w.s. in maksimum fan 18 sônes (19 strippen) of 6-stjerren. In netmoannekaart is dus net jildich op de Q-liner.