Flevolân (Nederlânsk: Flevoland) is in provinsje fan Nederlân en waard as sadanich oprjochte yn 1986. It hat 444.701 (1 jannewaris 2023, boarne: CBS) op in oerflak fan 2.412 km².

Flevolân
     
folksliet: Waar Wij Steden Doen Verrijzen...
polityk
lân Nederlân
status provinsje
oprjochting 1986
offisjele taal Nederlânsk
haadstêd Lelystêd
tal gemeenten 6
kommissaris fan
   de kening
Arjen Gerritsen
  (VVD)
geografy
geograf. koördinaten 52°31' NB 5°29' EL
oerflak 2.412,31 km² (2015)
  •  dêrfan lân 1.410,12 km²
  •  dêrfan wetter 1.002,19 km²
  rang provinsjes 12e fan 12
demografy
ynwennertal 444.7011
  teldatum 1 jannewaris 2023
  rang provinsjes 11e fan 12
befolkingstichtens 315 / km²
grutste plak Almeare
religy (2015) 55,2% ateïsten en agnosten
15,5% protestanten
12,2% roomsk-katoliken
7,2% moslims
9,9% oaren
oar
NUTS NL23
ISO 3166-2 NL-FL
tiidsône MET (UTC+1)
simmertiid MEST (UTC+2)
offisjele webside
www.flevoland.nl
1) boarne: CBS-StatLine
Flevolân (2019)

Geografy bewurkje seksje

Der kin in ûnderskie makke wurde tusken it âldlân en it nijlân. It âldlân fan Flevolân bestiet út de eardere eilannen Urk en Skoklân, dy’t troch ynpoldering harren eilannestatus yn 1942 ferlearen. It nijlân kin yn trije polders opdield wurde: de Noardeastpolder (Suderleech) mei Urk en Emmeloard, Eastlik Flevolân mei Lelystêd en Dronten en Súdlik Flevolân mei Almere en Zeewolde.

Skiednis bewurkje seksje

Plannen om de Sudersee yn te polderjen kamen healwei de 18e iuw op it aljemint. De Iselmar ûntstie yn 1932 troch de oanlis fan de Ofslútdyk. Dêrnei waard de Noardeastpolder yn 1942 drûchlein. Skoklân en Urk waarden part fan it fêstelân fan de Noardeastpolder. Yn 1943 setten de earste minsken har nei wenjen yn Emmeloard. Eastlik-Flevolân waard yn 1957 drûchlein, tsien jier dêrnei sette de earste minsken har nei wenjen yn Lelystêd. Súdlik-Flevolân waard yn 1968 drûchlein. Yn 1976 wienen de earste huzen Almere boud. Tusken 1963 en 1976 waard de Houtribdyk boud. Dêrtroch ûntstie de Markermar De Houtribdyk ferbynt Inkhuzen mei Lelystêd. Stadichoan setten hieltyd mear minsken har nei wenjen yn polders. De gebieten dy't drûchlein waarden foelen earst ûnder bysûnder bestjoerlik gesach. Súdlik-Flevolân foel it langste ûnder it bysûnder bestjoerlike gesach, yn 1984 ûntstienen de gemeente Zeewolde en Almere. Yn 1986 waard de provinsje Flevolân formeel oprjochte.

Untwikkeling ynwennertal bewurkje seksje

  • 1986 – 177.000
  • 2000 – 317.000
  • 2020 – 423.000
  • 2023 – 445.000

Gemeenten bewurkje seksje

Flevolân bestiet sûnt de oprjochting in 1986 út 6 gemeenten.

  1. Almere
  2. Dronten
  3. Lelystêd (haadstêd)
  4. Noardeastpolder
  5. Urk
  6. Zeewolde
 
Gemeenten in Flevolân

Keppelings om utens bewurkje seksje


 
It lânskip fan Flevolân

Boarnen, noaten en referinsjes bewurkje seksje

Boarnen, noaten en/as referinsjes:
 
Flevolân
 
Almeare - Dronten - Lelystêd (haadstêd) - Noardeastpolder - Urk - Zeewolde
 
Provinsjes fan Nederlân
 
Drinte - Flevolân - Fryslân - Gelderlân - Grinslân - Limburch - Noard-Brabân - Noard-Hollân - Oerisel - Seelân - Súd-Hollân - Utert