Rôlders

De rôlders (wittenskiplike namme: Coraciidae), ek rôlderfûgels of skarrelders neamd, binne in famylje fan kleurige fûgels yn it skift fan de rôldereftigen (Coraciiformes). De famylje telt 13 soarten ferdield oer 2 skaaien. De measte famyljelidden komme yn Afrika foar, inkelde yn Súd-Aazje. Allinnich de gewoane rôlder komt ek yn Jeropa foar, yn Nederlân allinnich ûnregelmjittich. De rôlders binne trochinoar sa'n 30-35 cm grut, like sa grut as in lytse krie-eftige. De oerienkomst mei de krieën komt ek werom yn de wittenskiplike nammen Coraciiformes, Coraciidae en Coracias (Lat. corax = raven), mar oars as de krie-eftigen falle de rôlders net ûnder de sjongfûgels en binne dy net swart.

Rôlders
Yndyske rôlder (Coracias benghalensis)
Taksonomy
ryk:	dieren (Animalia)
stamme:	rêchstringdieren (Chordata)
klasse:	fûgels (Aves)
boppeskift:	nije fûgels (Neoaves)
skift:	rôldereftigen (Coraciiformes)
famylje:	rôlders (Coraciidae)
Rafinesque-Schmaltz, 1815

Famyljeopbou

• Famylje: rôlders (Coraciidae)
  • Skaai: (Coracias), 9 soarten:
    • Soarte: pearse rôlder (Coracias naevius)
    • Soarte: Yndyske rôlder (Coracias benghalensis)
    • Soarte: Yndosineeske rôlder (Coracias affinis)
    • Soarte: Sulawesirôlder (Coracias temminckii)
    • Soarte: flaggesturtrôlder (Coracias spatulus)
    • Soarte: lilaboarstrôlder (Coracias caudatus)
    • Soarte: Sahelrôlder (Coracias abyssinicus)
    • Soarte: rôlder (Coracias garrulus)
    • Soarte: blaubûkrôlder (Coracias cyanogaster)
  • Skaai: (Eurystomus), 4 soarten:
    • Soarte: blaukielrôlder (Eurystomus gularis)
    • Soarte: gielsnaffelrôlder (Eurystomus glaucurus)
    • Soarte: dollarfûgel (Eurystomus orientalis)
    • Soarte: azuerrôlder (Eurystomus azureus)