Rob Grabert
Robert Karl Baldwin (Rob) Grabert (Hilfarth, Dútslân, 5 febrewaris 1964) is in eardere Nederlânske follyballer. Rob Grabert wie ien fan de spilers dy't meidie oan it Bankrasmodel, dat model brocht de spilers ta twa medaljes op de Olympykse Spullen.
| Rob Grabert | ||
 sporter
| ||
| persoanlike bysûnderheden | ||
| echte namme | Robert Karl Baldwin Grabert | |
| nasjonaliteit |  Nederlânsk
| |
| bertedatum | 5 febrewaris 1964 | |
| berteplak | Hilfarth 
| |
| lingte | 1,98 m | |
| gewicht | 93 kg | |
| sportive ynformaasje | ||
| sport | Follybal | |
| O.S. | Seoel 1988, Atlanta 1996 | |
| debút | 1982 | |
| karriêre-ein | 1997 | |
| wichtige prestaasjes | ||
 1x goud Olympyske Spullen 1996
| ||
Grabert spile foar it earst foar de Nederlânske ploech yn 1986. Hy beheart ta de gouden generaasje dy't yn 1996 Olympysk kampioen waard yn Atlanta troch Itaalje yn de finale mei 3-2 te ferslaan. Hy die yn totaal twaris mei oan de Olympyske Spullen. Neist 1996 die er ek mei oan de Simmerspullen 1988 yn Súd-Korea doe't er mei de ploech yn Seoul fiifde waard. Yn 1992 miste er de Spullen fan Barselona, omdat er tsjin de wil fan bûnstrener Arie Selinger by de Italjaanske klup Schio spilje soe. Yn totaal hat Rob Grabert 331 ynterlannen spile foar de Nederlânske ploech.[1] Nei de Spullen fan Atlanta spile er noch in jier yn Dútslân om dêrnei, nei fyftjin jier aktyf west te hawwen op it heechste nivo, op te hâlden mei it follybal.
Rob Grabert hat no in bedriuw yn biologysk en ekologysk iten yn Limburch en Itaalje.
Clubs
bewurkje seksje| perioade | club |
|---|---|
| 1982–1988 | Nashua Geldrop |
| 1988–1990 | Martinus Amstelveen |
| 1990–1991 | Pallavolo Catania |
| 1991–1993 | Jockey Schio |
| 1993–1994 | Latte Giglio Reggio Emilia |
| 1994–1996 | Rentokil-Zevenhuizen |
| 1996–1997 | Moerser SC |
Sjoch ek
bewurkje seksje| Boarnen, noaten en/as referinsjes: |