Douglas SBD Dauntless

Douglas SBD Dauntless
Rol	Dûkbommesmiter, ferkenner
Makker	Douglas Aircraft Company
Untwerper	Ed Heinemann
Earste flecht	1 maaie 1940
Yn tsjinst	1940
Ut tsjinst	1959 (Meksiko)
Tal makke	5.936 (1940-1944)
Brûkers	United States Navy, United States Marine Corps, Forces aériennes françaises libres

De Douglas SBD Dauntless wie in Amerikaanske dûkbommesmiter yn de Twadde Wrâldkriich. De SBD wie de wichtichste dûkbommesmiter fan de Amerikaanske marine tusken mids 1940 oant neijier 1943, doe't it foar it grutste part ferfongen waard troch de SB2C Helldiver. It tastel hat ek tsjinne by it Amerikaanske leger ûnder de namme A-24 Banshee

In Dauntless boppe de USS Enterprise

It yn 1940 al wat ferâldere type wie deugdsum en betrouber, mar wol wat stadich en soe út produksje naam wurde; dat gie oer doe't de Japanners Pearl Harbor oanfoelen. Utsein de Helldiver, hat gjin oar type fleanmasine mear Japanske skippen ta sinken broch as de Dauntless.

Apart oan de Dauntless wie de perforearre leiwjuk dy't by it dûken delklapt waard sadat de faasje fermindere en de stabiliteit grutter waard. De grutte bom hong oan in hingsel ûnder de romp dy't krekt foar it smiten nei bûten draaide en sa de bom út de propeller hold.

Midway

Mei oare Amerikaanske oanfalsfleanmasines waard ek de Douglas SBD Dauntless ynset tsjin de opstomende Japanske float yn de Slach by Midway. Harren oanfallen wienen fral rjochte op de fjouwer Japanske fleandekskippen, de Kaga, Akagi, Soryu en de Hiryu. Nettsjinsteande de stipe fan Grumman F4F Wildcat-jagers waarden in protte Dauntless-tastellen delhelle troch it loftôfwargeskut fan de float en de manoevrearbere Zero's, dy't ek folle hurder fleane koenen. Dochs hawwe sy de fjouwer fleandekskippen goed rekke en wie de skea grut omdat De Amerikanen oanfoelen op it stuit dat fleantúgen oan dek laden en bytankt waarden. De oan dek klearlizzende bommen en benzinefetten eksplodearren mei fataal gefolch.

De Akagi waard swier skansearre, it wapendepot fan de Kaga ûntplofte en de Hiryu baarnde as in fakkel. De Japanners besochten de baarnende Soryu nei Japan te slepen, mar op 7 juny 1942 waard it skip rekke troch in torpedo fan in Amerikaanske ûnderseeër.

Lannen dêr't de Dauntless tsjinne

• Frankryk
• Sily
• Meksiko
• Nij-Seelân
• Grut-Brittanje
• Feriene Steaten
  • (US Army Air Force, US Marine Corps en US Navy)

Spesifikaasjes (SBD-5)

SBD-5 fan trije kanten sjoen

• bemanning: 2
• lingte: 10,09 m
• spanwiidte: 12,66 m
• hichte: 4,14 m
• wjukoerflak: 30,19 m²
• gewicht leech: 2905 kg
• gewicht laden: 4245 kg
• maks. startgewicht: 4853 kg
• motor: Wright R-1820-60 radiaalmotor 1200 hk
• topfaasje: 410 km/o op 14.000 ft (4265 m)
• krúsfaasje: 298 km/o
• fleanberik: 1795 km
• plafond: 7780 m
• klimfaasje: 8,6 m/s
• Bewapening:
  • 2 × 0.50 in (12.7 mm) Browning M2 masinegewearen yn de cowling/noas
  • 2 × 0.30 in (7.62 mm) beweechbere M1919 Browning masinegewaeren efteryn de cockpit
  • 2,250 lb (1020 kg) oan bommen

Literatuer

• Brazelton, David. The Douglas SBD Dauntless, Aircraft in Profile 196. Leatherhead, Surrey: Profile Publications Ltd. 1967. No ISBN
• Dann, Richard, S. SBD Dauntless Walk Around, Walk Around Number 33. Carrollton, TX: Squadron/Signal Publications, Inc., 2004. ISBN 0-89747-468-6.
• Drendel, Lou. U.S. Navy Carrier Bombers of World War II. Carrollton, TX: Squadron/Signal Publications, Inc., 1987. ISBN 0-89747-195-4.
• Janowicz, Krzysztof en Zbiegniewski, Andre R. Douglas SBD Dauntless. Lublin, Polen: Kagero, 2007. (Poalsk/Ingelsk)
• Kinzey, Bert. SBD Dauntless in Detail & Scale, D&S Vol.48. Carrollton, TX: Squadron/Signal Publications, Inc., 1996. ISBN 1-888974-01-X.
• Pęczkowski, Robert. Douglas SBD Dauntless. Sandomierz, Polen/Redbourn, UK: Mushroom Model Publications, 2007. ISBN 978-83-89450-39-5.
• Smith, Peter C. Douglas SBD Dauntless. Ramsbury, Marlborough, Wiltshire: The Crowood Press Ltd., 1997. ISBN 1-86126-096-2.
• Stern, Robert. SBD Dauntless in Action, Aircraft Number 64. Carrollton, TX: Squadron/Signal Publications, Inc., 1984. ISBN 0-89747-153-9.
• Tillman, Barrett. The Dauntless Dive Bomber of World War II. Annapolis, MD: Naval Institute Press, 1976 (softcover 2006). ISBN 0-87021-569-8.
• Tillman, Barrett. SBD Dauntless Units of World War 2. Botley, Oxford, UK: Osprey Publishing, 1998. ISBN 1-85532-732-5.
• Tillman, Barrett and Lawson, Robert L. U.S. Navy Dive and Torpedo Bombers of WWII. St. Paul, MN: Motor Books Publishing, 2001. ISBN 0-7603-0959-0.

Keppelings om utens

• Douglas SBD Dauntless
• (in) Boeing history of SBD Dauntless Divebomber.

Boarnen, noaten en referinsjes

Boarnen, noaten en/as referinsjes:

Commons

Wikimedia Commons

Ofbylden dy't by dit ûnderwerp hearre, binne te finen yn de kategory SBD Dauntless fan Wikimedia Commons.