Sheffield
Sheffield is in stêd (city) en (sûnt 1842) in distrikt yn Súd Yorkshire, Noard-Ingelân, mei 512.242 ynwenners, dat de stêd is nei ynwennertal de tredde fan Ingelân. Yn de agglomeraasje om de stêd hinne wenje sa'n 1,37 miljoen minsken.
| |||
| Lân | Feriene Keninkryk | ||
| Distrikt: | Sheffield | ||
| Provinsje: | Súd Yorkshire | ||
| Krite: | Yorkshire and the Humber | ||
| Ynwennertal | 513,234 (2001) | ||
| Oerflak: | 367,9 km² km² | ||
| Tiidsône: | Greenwich Mean Time | ||
| Boargemaster: | Graham Oxley | ||
| Webside: | Webstee Sheffield | ||
Eartiids wie Sheffield fral in yndustrystêd, dy't yn de 19e iuw wrâldferneamd wie fanwegen it bêst stiel dat dêr makke waard. Op dat mêd waarden in soad pleatslik ûnwikkele fernijingen tapast, sa as stainless stiel. Yn it tiidrek fan de Yndustriële Revolúsje feroarsake dat in fertsienfâldiging fan it ynwenneroantal. Troch ynternasjonale kompetysje en konkurrinsje rekke de stielyndustry yn de jierren 1970/80 yn de nederklits, tafallich tagelyk mei delgong fan de stienkoalminen yn dy kriten.
Begjin 21e iuw lit in soad nije ûntjouwings sjen yn Sheffield en oare Britske stêden. Sheffield's ekonomy waakst stadichoan, mear as yn oare parten fan Yorkshire en Humber. Sheffield is in wichtich tsjinstesintrum wurden, dêr't ek in tal grutte banken sitte. De stêd hat in eigen tramsysteem, de Sheffield Supertram.
De stêd Sheffield leit op in punt dêr't fiif rivieren byinoar komme, en in grut part is boud op de hellings fan hichten en sjocht út op it stêdssintrum en it omlizzend plattelân. Der wurdt rûsd dat Sheffield mear as twa miljoen beammen hat, mear de man as yn hokker Jeropeeske stêd dan ek; 61% fan de stêd is griene romte.
DemografyBewurkje
BefolkingsûntwikkelingBewurkje
| Jier | 1801 | 1851 | 1901 | 1921 | 1941 | 1951 | 1961 | 1971 | 1981 | 1991 | 2001 | ||
|---|---|---|---|---|---|---|---|---|---|---|---|---|---|
| Befolking | 60,095 | 161,475 | 451,195 | 543,336 | 569,884 | 577,050 | 574,915 | 572,794 | 530,844 | 528,708 | 513,234 | ||
| Source: A Vision of Britain through Time[1] | |||||||||||||
Sheffield fergelikeBewurkje
| Sheffield fergelike mei[2][3] | |||
|---|---|---|---|
| Feriene Keninkryk 2001 | Sheffield | Súd Yorkshire | Ingelân |
| Totale befolking | 513,234 | 1,266,338 | 49,138,831 |
| Berne om utens | 6.4% | 8.9% | 9.2% |
| Wyt | 91% | 95% | 91% |
| Asiatysk | 4.6% | 2.6% | 4.6% |
| Swart | 1.8% | 0.9% | 2.3% |
| Kristen | 69% | 75% | 72% |
| Moslim | 4.6% | 2.5% | 3.1% |
| Hindû | 0.3% | 0.2% | 1.1% |
| Gjin religy | 18% | 14% | 15% |
| Boppe 75 jier | 8.0% | 7.6% | 7.5% |
| Wurkleas | 4.2% | 4.1% | 3.3% |
Berne yn SheffieldBewurkje
- Gordon Banks (20 desimber 1937), fuotballer
- A. S. Byatt, skriuwster
- Bruce Chatwin, skriuwer
- Joe Cocker, Rhythm and Blues-sjonger
- Henry Shaw (24 july 1800), botanikus en filantroop, oprjochter fan de Missouri Botanical Garden
- Alex Turner (6 jannewaris 1986), Sjonger en gitarist fan de Arctic Monkeys
- Malcolm Elliott (1 july 1961), hurdfytser
- Billy Sharp (5 febrewaris 1986), fuotballer
- Nicky Weaver (2 maart 1979), fuottballer
| Boarnen, noaten en/as referinsjes: |
 |
Ofbylden dy't by dit ûnderwerp hearre, binne te finen yn de kategory Sheffield fan Wikimedia Commons. |
