Stasjon Zevenaar

Stasjon Zevenaar (Zv) is in spoarstasjon yn de Nederlânske stêd Zevenaar, yn de provinsje Gelderlân. It waard iepene yn 1856 oan de Rhijnspoarwei (Amsterdam Sintraal - Elten).

Stasjon Zevenaar station Zevenaar
Stasjon Zevenaar yn 2013
lokaasje
lân	Nederlân
Provinsje	Gelderlân
Gemeente	Zevenaar
plak	Zevenaar
adres	Ringbaan-Zuid 8
arsjitektuer
stasjonskoade	Zv
iepening	15 febrewaris 1856
boujier	1855 1e stasjonsgebou 1962 2e stasjonsgebou
sloopjier	1962 1e stasjonsgebou
arsjitekt	1855 Arsjitekt ûnbekent 1e stasjonsgebou 1962 K. van der Gaast 2e stasjonsgebou
oare ynformaasje
perrons	2
perronspoaren	3
spoarline	Rhijnspoarwei Winterswyk - Zevenaar
offisjele webside
NS stasjonsynformaasje
kaart

Gebou

1e stasjonsgebou stasjon Zevenaar 1855

Gebou

It oarspronklike stasjonsgebou fan Zevenaar wie in heech rjochthoekich stasjonsgebou mei sawol oan de strjitte- as oan de perronkant in fronton. It ûntwerp is hast gelyk oan it earste stasjonsgebou fan Arnhem oan deselde spoarline. Yn it gebou komme ûnder oare ferskate wachtromten, in restauraasje, kantoaren en inkelde tsjinstwenten. Yn it ferlingde fan it gebou komt in lege rjochthoekige seal foar de dûanefasiliteiten. Beide gebouwen binne yn 1900 oaninoar ferbûn sadat ien gebou ûntstonet. By de lange perrongevel lâns kaam in luifel. Datselde jier krige it stasjon in eilânperron, wêrmei 't de hjoeddeistige opset fan it stasjonsgebiet ûntstie.

Yn 1962 makke it earste stasjonsgebou plak foar nijbou neffens ûntwerp fan arsjitekt Koen van der Gaast. It nije lage gebou stiet min ofte mear op de fundearringen fan it âlde gebou sadat de foarm dêrfan mei it wat nei foaren steande middendiel noch te werkennen is. Oan 'e foarkant foar it middendiel befynt him in reedlik grutte luifel. Ek lâns de perrongevel en in part fan de sydgevels komt in luifel. It sobere gebou krijt troch besunigings gjin opfallende fersieringen. Yn it gebou binne neist de loketten en de wachtromte benammen tsjinstromten oanwêzich.

Yn 2015 is in part fan it gebou ôfbrútsen om plak te meitsjen foar in nij plein. It restearjende part fan it stasjonsgebou hat in glêzen put krigen mei sicht op de perrons en it busstasjon. By de ferbouwing is de yngong fan it gebou nei de glêzen sydgevel ferpleatst. De giele bestrjitting fan it nije stasjonsplein jout de plattegrûn fan it ferdwûne part fan it stasjonsgebou wer.

Treinferbinings

Searje	Treintype	Rûte	Tsjinstroaster
20000	Regional-Express (VIAS)	Arnhim Sintraal – Zevenaar – Emmerich-Elten – Emmerich – Wesel – Oberhausen Hbf – Duisburg Hbf – Düsseldorf Flughafen – Düsseldorf Hbf	Rhein-IJssel-Express
RS 32 30700	Stoptrein (Hermes)	Arnhim Sintraal – Zevenaar – Doetinchem	rydt net yn 'e jûnsoeren (nei 20:00 oere) en it wykein. Fersoarget tegearre mei Arriva in kertiertsjinst tusken Arnhim Sintraal en Doetinchem.
RS 32 30900	Stoptrein (Arriva)	Arnhim Sintraal – Zevenaar – Doetinchem – Winterswyk	Fersoarget tegearre mei Hermes troch de wike oant 20:00 oere in kertiertsjinst tusken Arnhem en Doetinchem.
RS 32 36900	Stoptrein (Arriva)	Arnhim Sintraal – Zevenaar – Doetinchem – Terborg	Rydt allinnich op sneintemoarn en allinnich rjochting Terborg.

Boarnen, noaten en referinsjes

Boarnen, noaten en/as referinsjes:

Wikipedy:NL (ned) stationsweb.nl (ned) martijnvanvulpen.nl Commons Wikimedia Commons  Ofbylden dy't by dit ûnderwerp hearre, binne te finen yn de kategory Station Zevenaar fan Wikimedia Commons.