Synagoge fan Landau in der Pfalz

De synagoge fan Landau in der Pfalz, in stêd yn 'e Dútske dielsteat Rynlân-Palts, waard yn 'e jierren 1882-1884 boud en yn novimber 1938 ferwoastge. De synagoge stie foarhinne oan de Kaiserstraße 3.

Synagoge fan Landau in der Pfalz
De synagoge om 1900 hinne
Lokaasje
lân	Dútslân
dielsteat	Rynlân-Palts
plak	Landau in der Pfalz
adres	Kaiserstraße 3
koördinaten	49° 11' N 8° 6' E
Arsjitektuer
arsjitekt	Heinrich Staudinger
boujier	1882–1884
sloopjier	1938
boustyl	histoarisme
hichte	16 m
Kaart

Skiednis

Mei wissens is fêststeld dat der yn alle gefallen al yn 1435 in synagoge yn Landau stien hat. Der wennen lykwols al langer joaden yn 'e stêd, dat nei alle gedachten hie dy synagoge al in âldere foargonger. Om't de synagoge te lyts waard, begûnen de joaden tsjin it ein fan 'e 18e iuw plannen te meitsjen foar de bou fan in nije synagoge.

Yn it ramt fan de stedsútwreiding skonk de stêd de joadske gemeente doe in 2500 m² grut stik boulân en koe der útein set wurde mei de bou. It ûntwerp foar de nije synagoge waard makke troch Heinrich Staudinger, dy't him by de tekeningen beynfloedzje liet troch de yn 1877 troch Adolf Wolff boude synagoge fan Heilbronn.

Op 5 en 6 septimber 1884 wie de plechtige wijing fan de synagoge. De kosten fan it bouwurk bedroegen likernôch 200.000 Mark.

De synagoge yn de tiid fan it nasjonaal-sosjalisme

De synagoge waard op 9 novimber 1938 yn brân stutsen en fan 12 oant 15 novimber 1938 opblaasd.

Arsjitektuer

It bouwurk hie in oerflak fan 390 m² en in hichte fan 16 meter. De styl gie werom op eleminten fan de midsiuwske tsjerken fan Itaalje. De kûpels wiene ynspirearre op de Italjaanske renêssânse.

Monumint

In monumint hâldt sûnt 1968 de synagoge en de eardere joadske gemeente fan Landau yn oantinken.

Keppeling om utens

• (dú) Side oer de skiednis fan 'e joaden yn Landau

Boarnen, noaten en referinsjes

Boarnen, noaten en/as referinsjes:

Dizze side is foar in part in oersetting fan de Dútske Wikipedyside; sjoch foar de bewurkingsskiednis: [1] Commons Wikimedia Commons  Ofbylden dy't by dit ûnderwerp hearre, binne te finen yn de kategory Synagoge (Landau in der Pfalz) fan Wikimedia Commons.