Tambov

Tambov (Russysk: Тамбов; eartiids Tanbov,Танбов) is it bestjoerlike, ekonomyske en kulturele sintrum fan de oblast Tambov yn de Russyske Federaasje. De stêd leit 460 kilometer súdlik fan de haadstêd Moskou oan it kanaal fan de Tsna yn it sintrale diel fan it Oka-Donflakte.

Tambov
Panorama
Flagge	Wapen
Polityk
Lân	Ruslân
Oblast	Tambov
Sifers
Ynwennertal	287.407 (2022)
Oerflak	130 km² (sintrum)
Befolkingstichtens	2.975,84 ynw./km²
Hichte	154 m
Oar
Stifting	1636
Simmertiid	(UTC+3)
Koördinaten	52° 43' N 41° 27' E
Webside	cityadm.tambov.ru

Skiednis

De stêd waard yn 1636 stifte as ûnderdiel fan de súdlike grinzen om it Ryk tsjin Tataren te beskermjen. Mei de útwreiding fan de ryksgrinzen ferlear de stêd as fêsting syn betsjutting en waard Tambov in hannels- en bestjoerssintrum fan in fierder agrarysk gebiet. Sûnt 1796 is Tambov de haadstêd fan in selsstannich gûvernemint.

Stiders yn de opstân tsjin de bolsjewiken

Yndustrialisaasje fan betsjutting fûn pas nei de Oktoberrevolúsje plak. Yn augustus 1920 wie de stêd it sintrum fan in opstân ûnder lieding fan Aleksander Stepanovitsj Antonov tsjin it bolsjewistyske bewâld, dy't moannen letter troch de bolsjewiken mei in soad geweld delslein waard.

Yn de Twadde Wrâldkriich wie by Tambov in kamp (Kamp 788) foar kriichsfinzenen, fral út Elzas-Loataringen en Lúksemboarch, dy't faak twongen waarden te tsjinjen yn de Wehrmacht. Fan harren kaam in tredde part om en de lêste finzenen waarden yn 1955 nei hûs stjoerd.

Befolkingsferrin

Jier	1897	1926	1939	1959	1970	1979	1989	2002	2010	2022
Ynwenners	48.015	62.000	123.207	172.171	229.791	270.073	304.600	293.658	280.161	287.407

It besjen wurdich

Ut de tiid fan de stifting fan de stêd datearret de yn 1694 boude Transfiguraasjekatedraal. Ek binne doe en yn de 18e iuw ferskillende kleasters (lykas it Kazankleaster en it Himelfeartkleaster) en tsjerken boud. It neamen wurdich binne de Kazantsjerke en de Lazarustsjerke.

Yn de binnenstêd steane monuminten út ferskillende tiden, dy't meiïnoar dochs in harmonysk gehiel foarmje. Under dy gebouwen is de ier 20-iuwske filla fan de hannelsman Michail Asejev. Tambov hat fierder in grut operahûs.

Op it tsjerkhôf fan Kamp 788 lizze 24.000 kriichsfinzenen út de Twadde Wrâldkriich. It tsjerkhôf is yn 1998 renovearre. Midden op it terrein stiet in 4,5 meter heech houten krús.

Musea

Tambov hat meardere musea. De Keunstgalery mei tûzenen keunstwurken fan Russyske en Europeeske keunstners hat ynternasjonale bekendheid.

Ofbylden

• Ofbylden
• 
  Kazankleaster
• 
  Stedskantoar
• 
  Kriichsmonumint
• 
  Roomsk-katolike tsjerke
• 
  Protestantske tsjerke
• 
  Art-deco bioskoop

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:Tambow Commons Wikimedia Commons  Ofbylden dy't by dit ûnderwerp hearre, binne te finen yn de kategory Tambov fan Wikimedia Commons.