Taunusstein

Taunusstein is in gemeente yn 'e Rheingau-Taunus-Kreis yn 'e Dútske dielsteat Hessen. It gemeentehûs stiet yn it stedsdiel Hahn.

Taunusstein
Taunusstein-Bleidenstadt
Emblemen
Bestjoer
Lân	Dútslân
dielsteat	Hessen
lânkring	Rheingau-Taunus-Kreis
Sifers
Ynwennertal	30.820 (31.12.2023)
Oerflak	67,02 km²
Befolkingsticht.	460 ynw./km²
Hichte	393 m
Oar
Postkoade	65232
Koördinaten	50° 8' N 8° 9' E
Offisjele webside
taunusstein.de
Kaart

Skiednis

De stêd Taunusstein ûnstie yn it ramt fan 'e weryndielingen yn Hessen op 1 oktober 1971 troch de gearfoeging fan 'e oant doe selstannige gemeenten Bleidenstadt, Hahn, Neuhof, Seitzenhahn, Watzhahn en Wehen. Sûnt dy tiid mei Taunusstein himsels stêd neame. Op 1 july 1972 waarden de gemeenten Hambach, Niederlibbach, Orlen en Wingsbach by Taunusstein yndield.

Yndieling

Taunusstein bestiet út tsien stedsdielen:

Stedsdiel	Ynwennertal (stân: augustus 2024)
Bleidenstadt	8070
Hahn	7760
Wehen	7342
Neuhof	3673
Seitzenhahn	1302
Orlen	1192
Wingsbach	765
Niederlibbach	528
Hambach	382
Watzhahn	278
Meiïnoar	31.292

It besjen wurdich

Eardere kleaster mei tsjerke fan Bleidenberch

De eartiidske kleastertsjerke en hjoeddeiske katolike parochytsjerke Sint-Ferrutius hat in heechgoatysk tabernakel fan sânstien, in doopfont út 1696, in letbarokke Madonna en in barok oargel. Yn 'e toer hingje klokken út 1309 en 1411.

De protestantske tsjerke fan Bleidenberch

Sint-Piter op de Berch

De hjoeddeiske protestantske Sint-Piter op de Berch (St. Peter auf dem Berg) fan Bleidenberch wie oant 1530 in katolike parochytsjerke. It is it âldste stiennen monumint fan it stedsdiel. It ûnderste diel fan 'e toer is romaansk.

Museum

Yn 1995 waard it Stadtmuseum Taunusstein iepene yn it kastiel fan Wehen. De klam leit op de wat jongere skiednis fan 'e regio, lykas foar, yn en nei de Twadde Wrâldkriich en útstallings oer de tiid fan 'e earste helte fan 'e 20e iuw. Dêrnjonken foarmje de útstallings yn 'e rige "Kunst im Schloss" mei hjoeddeiske keunst út de regio en dêrbûten in wichtich tema fan it museum.

Protestantske tsjerke fan Wehen

Slot Wehen.

De tsjerke waard yn 1810-1812 boud mei stiennen fan 'e âlde stedsmuorre en poarte. It histoaryske oargel is ien fan 'e seldsume oargels fan Heinrich Voigd, dy't yn orizjinele steat bewarre binne. It waard yn 1890 boud foar de âld-katolike parochy fan Wiesbaden en yn 1899 oankocht troch Wehen. Yn oktober 1999 waard it oargel yn 'e oarspronklike steat werom brocht.

Zugmantel

Castellum Zugmantel wie in romeinsk castellum, dat ûnderdiel foarme fan 'e Obergermanische Limes, sûnt 2005 UNESCO-wrâlderfgoed.

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: Literatur en Einzelnachweise, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Taunusstein fan Wikimedia Commons.