Trije-ienheidkatedraal (Magadan)

De Trije-ienheidkatedraal (Russysk: Свято-Троицкий собор; Svjato Troitski sobor) is in Russysk-otterdokse katedraal yn Magadan, Ruslân. De katedraal is de grutste otterdokse katedraal yn it Russyske Fiere Easten.

Trije-ienheidkatedraal Свято-Троицкий собор
Lokaasje
lân	Ruslân
oblast	Magadan
	Magadan
koördinaten	59° 34' N 150° 48' E
Arsjitektuer
arsjitekt	Vladimir en Elena Kolosov
boujier	2001-2008
hichte	71,2 m (ynklúsyf krús)
Webside
magadan-eparchy.ru
Kaart

Skiednis

De katedraal waard boud op it plak dêr't it 'Hûs fan de Sovjets' boud wurde soe. Fan dat nea foltôge gebou waarden de fûneminten en de metalen frames fan 'e earste twa ferdjippings brûkt om 'e katedraal te bouwen. Yn 2001 waard útein set en fanwegen de ôfmjittings wurken ferskillende oannimmers oan it projekt. Keunstners út de ikoanestêd Palech wurken oan it beskilderjen fan 'e alterromte, yn in letter stadium folge de beskildering fan 'e hiele katedraal.

It tsjerkegebou wurdt beskôge as in monumint foar de slachtoffers fan Stalin's terreur. By de ynwijing fan 'e katedraal op 1 septimber 2011 betocht patriarch Kirill wiidweidich de slachtoffers fan 'e Gûlag. Hy neamde de katedraal it symboal fan 'e oerwinning op it kwea. Yn dat ramt fertelde de patriarch ek dat syn heit yn dat tiidrek op de jûn foar syn trouwen oppakt waard, om 't er meisongen hawwe soe yn in amateurkoar yn ien fan 'e tsjerken fan Sint-Petersburch.

Foar de bou tsjinne de âlde Russyske arsjitektuer fan Vladimir en Novgorod as foarbyld.

De bou fan 'e katedraal koste mear as 900 miljoen rûbel en waard mooglik makke troch de regionale oerheid en jeften fan partikulieren.

Yn 2015 waard der in monumint op it katedraalplein oprjochte foar Sint-Innosintius, de apostel fan Sibearje.

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Троицкий собор (Магадан) Commons Wikimedia Commons  Ofbylden dy't by dit ûnderwerp hearre, binne te finen yn de kategory Trije-ienheidkatedraal (Magadan) fan Wikimedia Commons.