Tsjerke fan Nijeberkeap
De tsjerke fan Nijeberkeap stie oarspronklik op it begraafplak fan Nijeberkeap en waard ôfbrutsen om 1830 hinne.
De tsjerke fan Nijeberkeap is ein 17e of begjin 18e iuw tekene troch de tekener Jacobus Stellingwerff (1667–1727). De tsjerke lei doe yn de midden fan it doarp oan de eardere buorren, dy't rjochting Aldeberkeap rûn. It doarp waard yn de rin fan de tiid nei it súdeasten ferpleatst. De tsjerke waard ±1830 ôfbrutsen[1]. Op it stee dê't ea de tsjerke stien hat stiet no op it begraafplak fan Nijeberkeap in klokkestoel mei sealdak. De klokketoer is erkend as ryksmonumint.
De tagong nei it tsjerkhôf wurdt foarme troch in gerspaad, dat eartiids de Lykwei neamd waard. Dit paad sil ûnder mear mei help fan gemeentebydragen fan Eaststellingwerf en de provinsje Fryslân út it budzjet Plattelânsprojekten ferbettere wurde.[2]
| Boarnen, noaten en/as referinsjes: |
