Us-Leaffrouwetsjerke (Kalundborg)

De Us-Leaffrouwetsjerke (Deensk: Vor Frue Kirke) is in bysûnder midsiuwske tsjerke yn de Deenske stêd Kalundborg. It bouwurk hat fiif tuorren en is de lutherske parochytsjerke fan de binnenstêd-gemeente fan Kalundborg.

Us-Leaffrouwetsjerke Vor Frue Kirke
Lokaasje
lân	Denemark
regio	Sjælland
gemeente	Kalundborg
adres	Præstegade 18, 4400 Kalundborg
koördinaten	55° 40'N 11° 4'E
Tsjerklike gegevens
tsjerkegenoatskip	Deenske Folkstsjerke
bisdom	Roskilde
patroanhillige	Marije
Arsjitektuer
boujier	1170-1190
Webside
Hiemside Us-Leaffrouwetsjerke
Kaart

Skiednis

De tsjerke waard gaueftich nei 1200 yn romaanske styl boud op inisjatyf fan de eale Peder Strangesen en syn frou Ingeborg. De heit fan Peder Strangesen wie de stifter fan Kalundborg en stie yn heech oansjen. De sakristy oan de noardlike muorre fan it koar út likernôch 1400 is goed bewarre bleaun. Om 1500 hinne krige de sakristy der in ferdjipping by.

Nei it delstoarten yn 1827 troch boukundige tekoartkommingen waard de fieringtoer oant 1871 rekonstruearre. De tsjerke stiet op in hichte en hat wat wei fan in boarch, mar it hat nea de funksje hân om de fijân te kearen en it stie likemin yn ferbining mei de stêdsferdigening. Folle mear ferwiist de boufoarm nei it Himelsk Jeruzalim, dat yn 'e midsiuwen as in fersterkte stêd mei fiif tuorren foarsteld waard.

Yn desimber 2008 hat de gemeente Kalundborg mei stipe fan in tal heechoanskreaune Deenske arsjitekten in fersyk yntsjinne by de kulturele autoriteiten om de tsjerke in plak te jaan op 'e list fan it wrâlderfskip fan UNESCO.

Arsjitektuer

It grûnplan fan de sintraalbou foarmt in gryksk krús. Yn it midden riist in 44 meter hege toer op, dy't op fjouwer graniten pylders stiet. De fjouwer earmen fan it krús besteane allegear út in achthoekige, 34 meter hege toer. De middelste toer is ferneamd nei de hillige Jongaam Marije, de oare tuorren binne ferneamd nei de hilligen Sint-Anne (east), Sint-Gertrude (west), Marije Magdalena (súd) en Sint-Katarina (noard).

In bou lykas de Us Leaffrou-tsjerke fan Kalundborg sjocht men hiel seldsum yn West-Jeropa, mar namste mear by de eastersk-otterdokse tsjerken. De Leaffrou-tsjerke is net allinnich ien fan de meast útsûnderlike bouwurken fan Denemark, mar fan hiel Noard-Jeropa.

Keppeling om utens

• (dn) Side fan de Us Leaffrou-tsjerke, Kalundbor

Boarnen, noaten en referinsjes

Boarnen, noaten en/as referinsjes:

Hiemside tsjerke Commons Wikimedia Commons  Ofbylden dy't by dit ûnderwerp hearre, binne te finen yn de kategory Marmorkirken fan Wikimedia Commons.