Wayne Osmond

Melvin Wayne Osmond (Ogden (Utah), 28 augustus 1951 - Salt Lake City, 1 jannewaris 2025) wie in Amerikaanske popsjonger. Hy wie de op ien nei âldste fan de oarspronklike sjongers fan The Osmond Brothers en de op trije nei âldste fan de njoggen Osmond-bern.

Wayne Osmond
sjonger en/of muzikant
Wayne Osmond (1971)
persoanlike bysûnderheden
echte namme	Melvin Wayne Osmond
nasjonaliteit	Amerikaansk
berne	28 augustus 1951
berteplak	Ogden
stoarn	1 jannewaris 2025
stjerplak	Salt Lake City
wurkpaad
sjenre	Pop
sjongtaal	Ingelsk
grutste hit(s)	Crazy Horses, Down by the Lazy River
jierren aktyf	1962-2019

Karriêre

Fan 1958 ôf begûnen Wayne en trije fan syn bruorren (Alan, Merrill en Jay) te sjongen as in barbershop koar. Yn de jierren 60, doe't se yn Disneyland spilen en geregeld yn The Andy Williams Show (in show op'e amerikaanske telefyzje) optreden. Yn Sweden brutsen se troch doe't se mei de populêre sjonger Lars Lönndahl wurken. Sân seizoenen lang wiene de bruorren úteinlik te gast by The Andy Williams Show. De jongere broer Donny wie ûnderwilens oan it fjouwertal tafoege. Yn Nederlân kaam it grutte sukses yn 1972 mei "Crazy Horses" nei in optreden fan de groep yn it televyzje programma Eén van de Acht fan Mies Bouwman en kaam krekt as de opfolger "Down by the Lazy River" op nûmer 1 fan de hitparade. The Osmond Brothers hawwe jierren yn harren eigen teäter yn Branson, Missouri, optreden. Yn 2006 giene Wayne, Merrill, Jay en Jimmy opnij toeren. Yn 2012, krekt foar de start fan in nije UK-toer, krige Wayne in beroerte en moast er it optreden farwol sizze.

Priveelibben

Wayne Osmond waard yn Ogden (Utah) as de op trije nei âldste fan de úteinlik njoggen Osmond-bern. Op 13 desimber 1974 troude Wayne mei Kathlyn White, in eardere Miss Davis County Fair en Miss Utah fan 1974. Se krigen fiif bern, trije dochters en twa soannen. Yn de jierren 1990 ferhuze Osmond nei Branson (Missouri). Yn 1997 waard by him in harsentumor konstatearre dy't mei sukses behannele waard, mar ta skea gie fan syn gehoar; de behanneling skansearre syn slakkehûs, wêrtroch't Osmond hast dôf waard. In beroerte yn 2012 soarge derfoar dat hy net mear op optrede koe. Hy hie in fleanbrevet, en bleau fleantugen bestjoeren oant mobiliteitsproblemen him hjirfan wjerholden tsjin ’e ein fan syn libben. Wayne Osmond ferstoar op 1 jannewaris 2025, yn 'e âldens fan 73 jier, oan de gefolgen fan in beroerte.

Diskografy

Studio-albums

Album	Utbrocht op	Band	Single(s)
The Wonderful World of The Osmond Brothers	oktober 1968	The Osmond Brothers	I've Got Lovin' on My Mind, Clouds (Both Sides Now), Groove with What You've Got, Make the Music Flow
Hello! The Osmond Brothers	septimber 1970		Chitchana Koibito, Young Love Swing, Movin' Along, Chance
Osmonds	14 novimber 1970		One Bad Apple, Sweet and Innocent
Homemade	juny 1971		Double Lovin
Phase III	jannewaris 1972		Yo-Yo, Down by the Lazy River
Crazy Horses	oktober 1972		Hold Her Tight, Crazy Horses
The Plan	30 juny 1973		Goin' Home, Let Me In, Movie Man
Love Me for a Reason	2 novimber 1972		Love Me for a Reason, Having A Party'
The Proud One	30 augustus 1975		The Proud One, I'm Still Gonna Need You
Brainstorm	1976		I Can't Live a Dream, Back on the Road Again
Steppin' Out	1979		Emily, You're Mine', Steppin' Out
The Osmond Brothers	1982		I Think About Your Lovin' , It's Like Falling in Love (Over and Over), Never Ending Song of Love
One Way Rider	1984		She's Ready for Someone to Love Her, Where Does an Angel Go When She Cries, One Way Rider, If Every Man Had a Woman Like You

Boarnen, noaten en referinsjes

Boarnen, noaten en/as referinsjes:

Wikipedy: EN Wikipedy: NL (The Osmonds) Commons Wikimedia Commons  Ofbylden dy't by dit ûnderwerp hearre, binne te finen yn de kategory Wayne Osmond fan Wikimedia Commons.