West-Jeropa

West-Jeropa is de geografyske namme fan it westlike part fan Jeropa.

De read kleure lannen wurde de West-Jeropeeske lannen neamd.

De lannen dy't meastens ta West-Jeropa rekkene wurde binne:

• Nederlân
• Belgje
• Lúksemboarch
• Frankryk
• It Feriene Keninkryk
• Ierlân

Ek Dútslân, Switserlân, Eastenryk, Monako en Lychtenstein wurde somtiden ta West-Jeropa rekkene, mar meastentiids wurde dizze lannen Sintraal-Jeropeeske lannen neamd, útsein Monako, dat ta Súd-Jeropa rekkene wurdt. Frankryk, mei namme Súd-Frankryk, wurdt troch syn kultuer ek wol ta Súd-Jeropa rekkene.

Definysjes

Der binne mear as ien definysje fan hokker lannen no krekt by West-Jeropa hearre.

Sa is de definysje fan de Feriene Naasjes dat Dútslân, Lychtenstein, Switserlân, Eastenryk en Monako wol ta West-Jeropa rekkene wurde, mar dat it Feriene Keninkryk en Ierlân der net by hearre.

Mei de Kâlde Kriich waard mei West-Jeropa ek wol bedoeld alle Jeropeeske lannen dy't bewesten it Izeren Gerdyn leinen, it oare part fan Jeropa waard yn dy tiid East-Jeropa neamd. Dizze dieling is mei it oansluten fan in grut part fan de eardere Eastblok-lannen ta de Jeropeeske Uny net mear sa skerp. Tsjintwurdich wurdt der dan ek meast sprutsen oer West-Jeropa, Noard-Jeropa, East-Jeropa, Sintraal-Jeropa en Súd-Jeropa.

Sjoch ek

• East-Jeropa
• Noard-Jeropa
• Noardwest-Jeropa
• Sintraal-Jeropa
• Súd-Jeropa